خطر...!!!
وين أنت ياللي غيبتك ماهي مثل أية غياب
سافرت ومن بعد السفر كل شي لحضورك نطر
مدري أحس مو بس أنا اللي حزن لجلك وذاب
أحس حتى ذا الزهر ندّى حزن غصنه وقطر
يخنقني من شوقي براد واحس من حولي ضباب
ما ترحم اللي مدمعه يسكب في غيباتك مطر 
المشكلة ماهي ترى حب(ن) ميادينه سراب
المشكلة فقلب(ن) ربى في حب خلّه وانفطر
لاهوب يقنع بالرضا ولا هوب يرضخ للعذاب
البارحة شفته ضحوك واليوم مع همّه بطر
((أسوأ شعور أليا حصل منّك على خلّك عتاب
تكتب عن عتابه سطر وتمسح ثلاثمية سطر ))
يا صاحبي عوّد ترى مال للعمر بعدك ذهاب
يشتاق لك ورد الصباح محتاج بانفاسك عطر
يا صاحبي كل الشعر في حضرتك فاقد صواب
باقي علي بيت(ن) وابي تركيز في آخر شطر
((ما ودّي تدري أنّ لك محبوب في بعدك مصاب
أبيك تدري أنّ في طاريك للغيبة .. خطر !! ))
(( الزعيم القرني ))