.
صباح الخير مدري مساء الخير
يالله تصدقون الليل موحش 
اول مره اسهر لهالوقت من بعد العيد 
مشكلة اللي عندهم دوامات مايتعدون 12 الا وهم خامدين < وجه يناظر خشتي ويدق التحية .gif)
خلاص هونت مانب كاتب موضوع اخاف احد يشوفني ثم يقول واعيباه فهد عنده دوام ومانام لهالحين
حالتي حالة صرت متعقد صرت احس اني مرتكب جريمة لو جات الساعة 1 ومانمت
يووه نسيت ان اليوم ربووع وبكرة اجازة .. < مشكلة اللي يتعشى كبسة ويششرب بعدها لبن 
باك ايه رجعنا لزبدة موضوعنا
الا على طاري الزبدة .. بالله من فيكم يحب الزبدة ثم اتوطأ على بطنه .gif)
ياكرهي للزبدة .. ياإني اكرهها مثل كره حراس النصر لياسر القحطاني
تاكسي ياتاكسي .. وصلني للبقالة باخذ لي ببيبسي
سعدية تقول لأخوها مسيعيد ياأحلى اخو بالدنيا وصلني للسوق
وبعد شوفة نفس وحبحبة خشوم يتكرم اخونا مسيعيد ويوصل اخته للسوق ويقطها
ويرجع لاخوياه في الاستراحة وماغير يخر من هالشيشة الين ماتطلع مع اذانيه ثم بعد ساعتين
تدق عليه اخته يامسيعيد تعال خلاص خلصت من السوق وصلني للبيت ..وبعد مزتين من الشيشة
يرد ويقول ماني فاضي لك انا مشغول مع العيال تعالي ليموزين .. !
الليموزين .. او ( تاكسي .. أجرة ) !
كثير مانسمع قصص صارت مع هالليموزينات
وكثير مانسمع قصص التحرش والاغتصاب والسرق والنهب من هالتكاسي
لكن من المسؤوول ؟
اترك الجواب للي يقرون الموضوع
قبل لاختم موضوعي
ودّي تكتب لي رايك عن الليموزينات وهل هي مفيدة او غير مفيدة ؟
قد حصلت لك مشكلة مع ليموزين ... او حصلت لك منفعة مع الليموزين ؟
تشوف البنت لمّا تركب تاكسي من دون محرم .. تحسه شيء اعتيادي او غير اعتيادي ؟
( للبنات فقط ) لما تكونين مضطرة تركبين ليموزين .. ليه تفضلين الأجنبي عن السعودي ؟
اذا سمعت مواقف عن اصحاب الأجرة ( التكاسي ) اكتبه لنا هنا ,
فـهـد
منتديات القناص