بســـم اللــه الرحمـــن الرحيـــم
من أخر أسبوع بشهر رمضان مرض ولد عمي تقريباً عمره 15 سنة
كان عنده صداع راح لأمه عطته بندول بس زاد الوجع ودخل بحلات تشنج
وعلى طول ودته (للمستشفى أهلي) وياليتها ماراحت قالها الدكتور أحتمال
ولدك (شرب خمر أو شي مسكر) يلا وديه (للمستشفى الأمل)
وأمه فكرت كلام الدكتور صح خصوصاً وأنه لسه راجع من مكه وتروح للمستشفى الأمل
ولما كشفوا عليه قالوا هذا عنده مرض معدي وديه لأقرب مستشفى حكومي
وراحت لمدينة الملك فهد الطبية اللي ما أدري على أي أساس مسمينها مدينة لا وطبية
وبطلعت الروح دخلوه الطورئ وفحوصات لمدة 4 أيام وطبعاً مو معزول والزيارة مستمره وأمه عنده
جا الدكتور يقولها ولدك عنده (إنفلونزا الخنازير) 5 أيام والولد من حمى وتشنج ومرض
وأنتم لسه ماتعرفون مرضه لدرجة أمه تقول لولا ربي ثم دعاي له كان ماشفى لأن حالته كان متأخره
والمستشفى متساهلين بالعلاج ..!!
الحمد الله صحته تحسنت بس بدت أعراض المرض بأمه ..!!
الخلاصــه ..
الملك عبدالله أمر اللمستشفيات الحكوميه والأهليه بعلاج فوري لمرضى إنفلونزا الخنازير
لين متى يتساهلون بحياتنا سواً مستشفى أهلي أو حكومي بس نشوف بيانات وأوامر ماتتنفذ ولسه نشوف وبنشوف كم حاله بتموت من هالمرض
كل شي مكتوب بس لازم ناخذ بالأسباب والله العظيم بمستشفى حكومي كانت أم صديقتي متنومه فيه تقول المريضات بلأنفلونزا يدخلون عندنا وكل يوم يزداد عدد المرضى لأن أخر هم المستشفى يعزلونهم تقول مافي غير الممرضه تعطينا ( ديتول ) تقول عقمو أنفسكم ...!!!
احنا بألعطله وصيف مو مترقعين من المرض اللحين تجي المدارس بعد اللمستشفى بكبره ينقلك المرض فما بالكم بالمدارس
ومايحتاج أوصف مدراسنا لأن وزير التربية شهد عليها بنفسه ..!!
وأنا والله ماكتبت هالكلام الا من اللي شفته وتأكدت أن موسهل نتساهل فيه بس ما أقول
الا
(تحصنت بذي العزة والجبروت واعتصمت برب الملكوت وتوكلت على الحي الذي لايموت ، اللهم اصرف عنا هذا الوباء عنا، وقنا شر الداء ونجنا من الطعن والطاعون والبلاء بلطفك يالطيف ياخبير إنك على كل شيء قدير )