آنه كويتيه و أقولك انه احنا مو ماخذين فكره ان السعودييين مو طيبين و شريرين و هالسوالف بس اللي ماراح السعوديه و لا مره يقول جذي أما بالنسبه لي في الزين و في الشين في كل مكان
أما بالنسبه لشارع الخليج اهوا حلو بس التوب عندنا احنا الكويتيين شارع الحب وااااااايد احلى و هذي صورة ماكدونالدز اللي على شارع الخليج بس انصحكم يالبنات انكم ما تروحون حقه بالليل لأنه كل يكون شباب و مايحتاج اقول عن شبابنا الله يحفظهم شنو يسوون ((مغازل بمغازل)) هههه بس آنه اروح له معا خالاتي و بناتهم
و هذا جسر المارينا في مارينا مول و اهيا كلها أسواق و في مارينا كرسنت اللي تطل على البحر كلها كافيهات و مطاعم بس الكافيهات حدها عجيبه و هذا جسر المارينا