بسم الله الرحمن الرحيم وبه نستعين صباحووو ع الجميع كيفكووون ان شاء الله تزقحون << ترى مااعرف معناها بس احسها كشخه الموهيم أصعب شي إنو الواحد يتكلم عن نفسو لذلك استروا ما واجهتم لأني للأسف بأخذكم معايا بجولة سريعة في يومي الرمضاني اللي متأكدة مارح يعجبكم صحيت من النوم كأي كائن حي وصليت الظهر رغم إني أخرتها راحت عليا نومه لقيت البيت هادي إستغربت لانو بالعادة في هالوقت أصحى ع صوت الطبخ وريحة النفخ خخخخخ والكل في حالة إستنفار فظيعة بس هالمرة الكل نااايم ؟؟!! حسيت كأني في بيت أشباح من هدوء البيت الموهيم رحت شربت مويه قصدي رحت اتوضأ وأصلي وأشيك ع الماما أشوف إش هرجة الهدوء وليش مافيه عسات وحركات إكتشفت إنو إحنا معزومين عند ألد أعدائي ( سوبر مان العيله ) سموري صراحة لا أخفيكم أول ماعرفت بخبر العزيمة فرحت قلت يلا نفتك من الطبخ والكرف << إشبك تدخلين المطبخ أصلا بس لمن خلوت بنفسي وقلبت الموضوع براسي لقيت إن هالعزيمة تهدد كياني وتاريخي وبأطلع منها بأضرار جسيمة سواء مادية أو معنوية ( تقطيع شعر + تشليخ وجه + رضوض مختلفة في كل أنحاء الجسم ) << حالة كسيفه رحنا بيت المجرم قصدي الأبضاي سموري وكان اليوم حلو وآمن على عكس ما توقعت !! لان سموري فرحان بزيارتي لبيتهم أخذني في جولة سياحية << من زمان ما زرتهم وهذا سمور الابضاي صورته لكم الموهيم وقت الفطور وقبل الأذان مسكت الجوال ولقطت كم صورة ولا تلوموني ما صورت كتير لانو العالم استغربت مني ينتظروا الآذان وأنا أصور أكل خلق الله .. صحني بس طبعاً لظروف صحية خارجه عن الإرادة أكلت بالنظر وبقيت بقية الأكل للدوبا مرام أم ريحة خضراء عشان تأكل بدالي << ما تقهر أحد ما طولنا عندهم لاننا نسمع باللي يقول رحم الله من زار وخفف << ترى ما اعرف كذا صح ينقال او لا لذلك غضوا البصر وبعد صلاة العشاء والتراويح قريت شوية قرآن وخرجت للسوق إضطرارياً ولاني ما اكلت في الفطور زين ومسويه مستحيه << يمكن انخطب مريت كودو انا والشلة عشان نأكل وحتى في كودو ما كملت آكلي وتذكرت مرام وبقيت لها صدق الأرواح جنود مجنده خووذي يا آلبي وكمان سموري نظراً لحسن المعاملة والترحاب اللي شفتها منو اشتريت له هالشي شوفوا ورجعت البيت ع الساعة 2 ونص وقلت خليني أشيك ع القناص قبل لا أنام تصفحت الموقع شوي ودخلت مسن أنتظر المجنونات بس ما لقيتهم مجتمعين للأسف وهذا من نحاسة حظي طبعا ً صليت الفجر ونمت من غير سحور كالعادة لان هالوجبة مش في جدولي وبس هذا يومي الإستثنائي المختلف عن بقية الايام لاني كنت معزومه برا البيت لذلك لا احد يجي يقول ليش ما صورتي طبخي وهيك لاني معذوره << ما صدقت وكل الشكر لـ روح المرام إللي لولا دموعها ما شفتوني هون لانني الان اتمتع بإجازتي الرسمية إللي انحرمت منها بسبب الترم الصيفي وأبشركم تراني نجحت ولولا دموع مرام ما قطعت إجازتي إضطرارياً << تطالع أنين الغياره واتمنى أكون خفيفة وبس ثم خلدت إلى النوم في أحضان كراشي الحبيب وبهيك إنتهى يومي الملل جداً ..