" الجريش " ! الجريش طبق شعبي من القصيم ، قديم جداً وهُو يُصنع من القمح ! ويُباع جريش الحب في المحلاَّت .. [ .. المقاديـر .. ] - جريش ! - علبة زبادي ، أو علبة حليب سائل " حسب الرغبه " ! - لحم أو دجـاج ! - طماطم ، بصل ، زيت ، بهارات ليمون أسود مطحون ! [ .. الطريقـه .. ] نحمس بصلة وحده مع الزيت ، وإذا أصفر لُونه نضغ صدر دجاجه بدُون عظم ومقطَّع ، ونكشنه شوي ثم نضيف و ماجي ملعقة كمّون ثم نضع الزبادي بـِ / الخلاط وعليه كاسين حليب وأربع كاسات ماء ثم نسكُب الخليط فوق البصل المحموس ، ونضع معها عـَ / طول .. الجريش المنقوع لـِ / مُدة نصف ساعه وإذا صار يطبخ نقلل النَّار ! ونقصرها ونغطيه ويُفضَّل بـِ / " قصدير " عشان ما يتبخَّر الماء .. ونتركه حوالي ساعه ونصف على النار وإذا نشف الماء أو إحتاج الجريش لـ / ماء .. نضيف عليه ماء " ساخن " .. أما الكشنه ! نحطها فوق الجريش عند التقديم ! ونقطع البصل قطع صغيره جداً ونضع زيت وزبده ونحمسه وبعدين نضع البهارات وإذا عندك ليمون أسود مطعون نضعه عشان يعطي الطعم شوي حموضه لذيذه ، ونضع ملعقة صلصة أو مسمنه إذا .. متوفرة ، ونطبخه على النار حتى يستوي ويختلط وعند التقديـم : فوق الجريش ! ، وبالعافيه عليكُم " المرقوق " ! المرقُوق طبق شعبي من القصيم وهو مشهُور ! والمرقُوق يصنع من عيجن البر وله فوائد كبيره [ .. المقاديـر + الطريقـه .. ] بتكُون مع الطريقه أول بـِ / أوَّل ! أول شي نسوي العجينه ، وتتكوَّن من ماء وقليل من الملح وطحين دقيق " بُر " ونشكلها بعد ذلك على كُرات صغيره ونترك العجينـه لبعض الوقت ، عشان نسوي الكشنه وتتكون من قطع بصل نحمسه مع زيت ونضع اللحمه والبهارات ونضيف بعد طماط مقطَّع وعلبة ماجي وصلصه وإذا أستوت اللحمه وتشربت الطماط وأصبح ثخين نضع ماء ساخن ونتركه يغلي مرا وحده بعدين نفرد كُرات العجين بـِ / اليد ، ونحطها بالقدر فوق خلطة اللحمه والمرقه ونحط العجين المُقرَّص لمَّا تخلَّص كُرات العجين ، وإذا أنتهت نخفض حرارة النار ونخليه يطبخ على " نار هاديه " لـِ / بعض الوقت ، ثم نحط الفاصُوليا والكوسه والباذنجان والقرع والبطاطس وأي خُضار حسب الرغبه مثله مثل المطازيز ونتركه يطبخ على نار " هاديه " حوالي ساعه وبالعافيه عليكُم ! هـَ / الفقرة سواليف قصيره لـِ / أشياء حصلت بالقصيم ، يعني زي ما يقولون : مواقف طريفه ! ، أو نادرة أو قديمة أو جديده وترى العتب على الراوي وأحنا مالنا دخل بس بننقل لكُم هـَ / السالفه هي صدز وإلا لا بس أحنا ما عندنا إلا " الضعوي " ! ، اللي يعرفها يرفع إيده فـَ / بنقول لكُم سالفه وحده سمعنا أنها صارت : D ! يقولون أول ما جت ماكينة البيبسي لـِ / القصيم طبعاً أنتوا عارفين أنهم متشددين مرا ، راحوا وكسروها : $ ! ويوم أنهم سألوهم عن سبب تكسيرها ؟! قالوا أنها كافرة ما تصك وقت الصلاة ! [ نرجع لـِ / الأكلات الشعبيه ] ! " القرصان " ! وجبة شعبيه من القصيم وهي طبخه لذيذه جداً ، ونستخدم قرصان طري ، أو قرصان ناشف اللي يجي في الكراتين ! ويمكن عمل القرصان في المنزل لـِ / من لا يرغب شراء القرصان الجاهز ! [ .. الطريقـه .. ] نقطَّع القرصان قطع " مُتوسطه " ثُم نجهَّز المرق ويتكوَّن من : خضروات مثل [ الكُوسه - الجزر - القرع - باذنجان ] وأي أنواع الخضار اللي ترغبُون فيه ، ثم نطبخه مع حوالي نصف كيلو لحم مقطَّع يكون ، بـِ / إضافة علبة ماجي وبعض البهارات حسب ذوقك وإذا نضج الخُضار واللحم نحضَّر " صينيَّه " ونفرشها بـِ / طبقـه من القرصان ثُم نضيف خضار ومرق ولحم وبعدها نضع طبقـه أخرى من القرصان ، ثم نضع طبقة أخرى من اللَّحم والخضار وهكذا إلى أن ينتهي القرصان ويكُون تشرَّب المرق ونضع آخر طبقة اللَّحم ويزيَّن بـِ / الخضار والبصل المحموس بـِ / الليمُون الأسود المطحُون ، ثم نضعها على النَّار إلى أن ينشف المرق ! ويُقدَّم ساخن حيث يكُون ألذ ! ، وعساه بالعافيه : $ ..!! الشكر مُقدَّم لـِ / أم حاتم " الطبَّاخه " اللي ساعدتنا بـِ / المقادير والطريقه وخلتنا نجيب العلم الصحيح لكُم ، أن جاكُم تسمَّم أو شي ترا هذا نتائج سوء الإستخدام وإلا أحنا براءه : D ! " الحنيني " ! طبق شعبي من القصيم ، والحنيني يُوكل دائماً في الشتاء لأنه يعطي الجسم دفئ مع فوائد التَّمر والخبز البر الكثيرة لـِ / الجسم ..!! [ .. المقاديـر .. ] - تمر بدُون نوى أو عبيط جاهز - قرصان ليَّن يعني مسوَّى في البيت ، أو من محل القرصان - ماء مغلي ! - فنجال ليمون - زبده سايحه .. [ .. الطريقـه .. ] يُحضَّر قدر وينحط فيه " ماء مغلي " وشوي من الليمون ثم يغط به القرصان ، أو الخبز البر المُوهيم اللي يكُون متوفَّر عندك ويرفع بسرعه حتى لا يتقطَّع ! ثُم نفرم القرصان مع التمر بـِ / مفرمة " اللحم " ولازم تكُون كميَّة القرصان والتمر متساويه إلا إذا كنتوا تحبونه حالي بزيادة فـَ / نكثَّر التمر ، وإذا تحبونه عادي نقلل التمر وإذا كانت الكمية كبيره ، نضع كل كميَّه بـِ / علبة بلاستيك ونضعه في الفريزر لحين الحاجه .. وبعدين قبل ما نقدمه بـِ / ساعه نضع في قدر قليل من الزبده ثم نسكب عليه الخليط ونتركه على نـار هاديه " لازم هاديه عشان يذوب بـِ / راحته " ! أو الميكروويف إذا كانت الكميَّه قليلة ، إذا شفنا أنه ذايب بالمرَّا نضعه في صحن التقديم ، مع قطع من الليمون الأصفر .. وبالعافيه عليكُم ! " المطازيز " ! المطازيز طبق شعبي من القصيم برضو ، ولا يُستغنى عنَّه ! وهو لذيذ جداً ، حسب اليد اللي تطبخه طبعاً : $ [ .. المقاديـر .. ] - دقيق بر على حسب عدد الأشخاص - ماء دافئ ! - خُضار " كُوسه - قرع + فاصُوليا + لوبيا " - لحـم ! - ليمُون أسود + بهارات + بصل + طماطم + معجون صلصة ! [ .. الطريقـه .. ] يُحمَّر البصل وتُوضع عليه البهارات كما في الصُوره ، ثم نضع اللحم والخُضار في قدر ويُغمَّر القدر بـِ / الماء ويُوضع على نار مُتوسطه ! نعجن الدقيق البُر بـِ / الماء الدافئ وتُترك لحد ما تتماسك وتلين العجينه .. تقطع العجينه إلى دوائر صغيره ، تُوضع دوائر العجينه في آله المطازيز وتُدهن الآله بـِ / الزيت حتى لا تلتصق العجينه ، وتُكبس كما في الصُوره ضعي عجينة المطاطيز على اللَّحم والخُضار في نار عاليه وبعد ماتخلصين ضعي اللَّيمُون الأسود ويُترك على نار هادئه لـِ / مُدة ساعه ونصف وجعله بـِ / العافيه عليكُم .