عشقي تيماوي يعود اليكم من جديد مدخل نور الشمس نور جبينك مرني بهمس من حنينك .. انت الامس >> ماودك تلفقه بس تيماوياتي كيف وانا الوح لكم بيدي الكريمه المهم اليوم مجمع لكم كم سالفه صغيره كذا يعني تقدرون تقولون مواقف على شوية كب عفش على نشر غسيل وياتي هذا الموضوع تخليدا لذكرى علي الطنطاوي الله يذكره بالخير سواليف رمضانيه ان اعجبتكم من الله وان ماعجبتكم مني شخصيا وطلعوا الشيطان منها لاننا برمضان وهو مربط على ماعتقد على طاري الشيطان ياعيال ترى حنا مقبلين على العشر الاواخر تكفون شدوا حيلكم نبي المساجد تمتلي نبي قوه قران ودين واستغفار , اللي مبطي عن اقاربه يروح يزورهم واللي له جار متزاعل هو وياه يصاحبه ( استغلوا فترة غيابه المروح ) واللي عنده بنات يزوجهن ترى الوحده الحين تصير اكبر من حمزه اديس وهي ماعرست وماهب لازم مهر 100 الف وسياره تراها بنت ماهيب كريستيانو رونالدو ابي ابليس تنبط تسبده لاشافكم كذا متكاتفين تبيضون الوجه تراه قاهرني ابن الذين اجل يوم احتجته خذلني اااااه بس يعني طول عمره وهو يسوي شر وقفت علي ليش ماخلى ( ... ) يراجع قراره الغبي هذا والله قرار غبي غبي ياأأأ >> نروح للموضوع بدل هالمقدمه الغبيه انا مالبس سروال طبعا جرت العاده انه انا واخوي الصغير بالاختبارات اغششه عن طريق الجوال ولكن هالمره كان اختبار ادب وكانت القطعه طويله فقرر اخوي هو ودميجته يكتب القطعه على سرواله الطويل ياخي مشكله هالسعوديين كل تفكيرهم من السره الى الركبه المهم انه غش وفلها ابو الشباب ويوم راح يسلم الورقه قاله الوكيل تعال معي لغرفة المدير دخل معهم وهم مايدرون وشلون يقولون له انهم كشفوه ويبونه ينزل السروال واضح انهم مايعرفون يختبرون ايمانه المهم قاله المدير اطلع عند الباب دقيقه , طلع ابو الشباب ونزل سرواله قدام الطلاب اللي يختبرون وصفطه وعطاهـ واحد من اللي مروا وقال ارمه على دربك ناداه الوكيل ويبدوا انهم جزموا يختبرون ايمانه وقاله ياخالد نزل السروال الله لايهينك خالد وبكل برود رفع ثوبه وهو يبتسم ابتسامه ثقه ابتسامة شخص متمرس ابتسامة رقاصه باحد النوادي الليليه >> بينجلد ياعيال كانت المفاجاءه انه ماعليه الا سروال قطن صغير وخالد مازال يضحك الله يفضحه ان كانه فضحنا المهم تفاجأ الوكيل وقاله وين سروالك الطويل اللي تو انت لابس وكاتب عليه وتغش منه قال خالد والله انا عندي حساسييه ومالبس الا سراويل قطن ياستاذ استسلموا للامر الواقع وقالو له اقلب وجهك برى خصوصا وانهم فقدوا الدليل الذي يدينه بهذه الاثناء طلع خالد راكظا يدور اللي اخذ سرواله تو تحت شعار ( البحث عن السروال المفقود ) ابن رشيد مثل مانتم خابرين بالرمضان الدراسه قلق وقرف والواحد ماله خلق ابد وكان عندنا دكتور عله شوي ويشرح متحمس بالشرح عن الدوله السعوديه الثالثه ويقول : وعندما خرج ابن رشيد من حائل متوجها لبريده ذهب اليها من الخلف عن طريق عنيزه ولم ياتي لبريده مباشره لماذا .؟ وكان فيه طالب مهبول ومروق للاخير واشك انه كان صايم ذاك اليوم قال للدكتور : يمكن بيهج عن التفتيش ياستاذ ههههههههههههههههه بتقولون ياحسافه دحيم انهبل صح .؟ ياخي الله يلوم اللي يلوموني حرام والله حرام اللي قاعد يصير كككككككككككككككك ياخي ياشينها لاصرت اخذ فكره عن شخص ما وثمن تنصدم بالواقع المرير خل ابقولكم وش السالفه وانتم احكموا والله على مأقول شهيد هذا أخوي الصغير بثاني متوسط ولد حليل اسم الله عليه هادي وماطلع على اخوانه الكبار لا انا ولا خالد الخبل ابو سروال هذاك اللي قلنا سالفته بالفقره اللي قبل يعني حتى عيال الحاره يقولون وشلون هذا اخوكم ماهيب معقوله كنا نحاول نخربه ونخليه على الاقل يعني ينسم كفرات سياره امام المسجد ولكن كل محاولاتنا بائت بالفشل العظيم اجتمعنا ذات يوم عصيب انا وخالد وبعض دشير الحاره وقررنا الاعتراف انه نقطه سوداء بتاريخ العائله الكريمه وانه لابد من الاقتناع انه رجل محترم للاسف فعلا اقتنعنا بذلك وخرجنا مطئطيين الرؤوس مالكم بالطويله يوم جيت اليوم ابدخل قوقل وانا حاط اكمال تلقائي عاد وحدث مالم يكن بالحسبان اطلاقا انها الكارثه انها المدويه انها ام الكبائر شوفوا العاقل وش يدور ككككككككككككككككككك هههههههههههههههههههههههه اذهب الى الجحيم يارجل اجل بدون ملابس ياعيني على البراءه بس ياخي اللي توهم طايحيين بالحركات اللي موب زينه مشكله وتتجلى الخبره طبعا زي مانتم عارفين الواحد برمضان طول اليوم يصير ماسك نفسه عشان مايجرح صيامه ومن يوم يذن المغرب ونخلص فطور ونتسدح بالصاله وثمن تبدأ الفله عاد المهم يكون عندنا طاقات كامنه ونقعد نطبل لاختي شوق او نشغل لها اغنيه ونخليها ترقص وهي عاد ماشاء الله مايبيلها , اصلا من يوم تدرون اني مسميها على اغنيه تغسلون ايدينكم المهم مره وهي ترقص وقفت وقالت بطني يوجعني ماقدر اكمل حاولنا فيها تتحامل على نفسها من اجل الجمهور مارضت قلت لها اجل تعالي اصلح لك تمارين بطن واخليها تضغط وتوقف شوي , وثمن سألتها هاهـ طاب بطنك .؟؟ قالت لي لحظه اشوف , وثمن هزت خصرها شوي زي حقات فيفي عبدهـ وقالت لا لا تماااام كذا >> حينها تأكدت ان مستقبل هذه البنت مظلم تماما وان مسألة كونها راقصه باحد النوادي الليليه ليست الا مسألة وقت فقط المهم عاد استروا على ماواجهتوا ..>> وشو عقبه ونشوفكم على خير بوقت ثاني واعذرونا على القصور وان اعجبكم الموضوع زين على زين وان ماعجبكم ترى ماهيب واقفه ولو ماجاء منه الا اني حطيت خلفيه اخيرا وهـ بس علي وترى رضاء الناس غاية لاتدرك >> يسلك لعمره هالغبي فتى الرس المدلل عشقي تيماوي - المملكه العربيه السعوديه - الملحق