بسم الله الرحمن الرحيم يالله حي كلّن بسمه << بداية المصاله المعذره ان كنت تأخرت أو بكرت صرراحه مدري متى أنزل يومي المهم اللي يعتقد ان يومه سامج وفاضي ويقضى بسرعه يشوف يومي وصدقني بيسجد شكر المهم ها ودكم نروح ليومي ؟ يالله ،، تنويه: أشكر المشرفين والمشرفات اللي خلوني أنزل موضوعي بيوم 15 لأنهم يعني القمر مكتمل ×× الساعة 12 الا عشر ظهراً يوم الجمعه عزّ الحر درجة الحرارة حالياً 41 درجة مؤية بالرياض قمت 12 الا عشر سعابيل + حوسه + الخ .. المهم اول ماقمت كنت بارد يالله اتحرك وعظامي تطق طق ليــن شفت ذي ملزقه عالسرير !! بما أن المكتوب مو واضح مكتوب : (تغطية يومي للقناص) ياحبيلي حريص كله على شان ماانسى لا وزخة مطر وجنيفر واكسجين انواع التنبيهات لاتنسى لاتنسى ،، المهم ماامداني أتروش ولا شي يالله بلحق على الخطبه وأروح للمسجد الساعة الآن 12 ظهراً دقيقه ماودكم تروحون تصلون معي ؟ ودكم ؟ يالله اركبوا في طريقنا للمسجد ويظهر في الصورة أعلاه عدم وجود غيوم أبداً دقيقه خلونا نوقف السياره لا احد يفتح الباب لأ لأ أنتم تشوفون اللي اشوفه !! باصات سعودي اوجيه يعني المسجد كلوووو هندي يالله بدخل ويالله تستر ان شالله مافيه هنود تدرون ليه ؟ لأن قد مره جيت وصاروا كلهم هنود أول ماسلم الإمام طلعوا يركضووووووووووووووووووون يتسابقون من يجلس جنب الدريشه قبل صدق يركضون بحماس كم واحد بغى ينصدم ويطير اهم شي يوصل الباص قبل طيب الله يستر بفتح باب المسجد تهي تهي تهي كلو على بعضو عمال لا وانا جاي متأخر يعني بنحشر جنب الباب يعني اذا سلموا بيطبون علي الله يستر والله من زين بداية اليوم المهم أول ماقال الإمام السلام عليكم ورحمة الله قبل مايقول الثانيه بدوا يطامرون يركضون وانا جنب الباب على طول وأنواع التشويت يوم جيت أبقوم بطلع شالني واحد ذبني ورا ملاحظة: ترا انا الحين مو صايم يعني لو فيه اضافات لاتصدق ،،، ماصدقتوني انهم يطلعون يركضون شوفوا بالله واحكموا كل ذا عشان يجلسون جنب الدريشه ؟ طيب خلاص اركبوا بنرجع البيت ،، وصلت البيت خامل تعبان حرّان جمدان هلكان جوعان << مسكت واجلس على كمبيوتري الموقر وقلت بشوف مسلسل House مسلسل طبي أشوفه واتحمس وارقد فتحت مجلد الافلام وذا وشغلت هاوس وانسدحت على المرقد بس قبل ماانسدح صورته لكم ،، وطبعاً كالمتوقع نمت وماقمت الا على الآذان قمت مرتاع وقلت لاتكونون افطرتوا يمااااااااااااااااااااااااااااااااه لاتفطرون بصور الفطور يمااااااه الله يرحم والديكم لاتخربون شي خلوني بصور الفطور تفاجأت برد بارد جداً امي: صل اللي فاتك وتعال أنا : لا يمه مايمدي بجيب جوالي وبصور لاتخربون شي امي : ابشر يالله تعال أنا: يمّه وشذا أمي: تمر وماعرف نوعه بسأل خالتك أنا: لا يمه أقصد وشو ذا ! أمي: رح صل بس وبعد الصلاه نصلح لك فطور أنا: ماصلحتوا يعني أمي: يصير خير ،، صليت العصر والمغرب وجلست انتظر الفطور ماجا شي يمه وين الفطور هذا هو جاي تشوفون الأحمر اللي فيه ذالفيس "" هذا مصلحته اختي بثاني ابتدائي تقول انه جلي انا شكيت انه خمر صراحه أحمر وسايل ماخبرت الجلي كذا ياوخيتي المهم أنا جوعان ومنتهي أنا: يمه أسمي ! أمي: ايه سم بنروح حنا لجدتك وأنا أقول يمه ليش كل هالحقران وهالفطور البايخ الحمدلله على النعمه وتراه حلو والله موب شين المهم بعد المغرب رقيت أشوف تاش ماتاش وطبعاً لحالي ولازم أشرح لكم قليلاً عن المكان اللي بجلس فيه واناظر فيه طاش وهذا هو شسمه تراي منظم بس طاش اعلاناتها طويله ولازم الكمبيوتر جنبي وبدت المصاله بعد ماخلصت طاش ،، صليت العشاء وانطلقت الى "بدي ماستر" = "أبطال الجسم" = نادي المهم قلت وش البس وش البس تذكرت ان فيه مشرفه اسمها RauL_GirL ورافعتن ضغطي في مكان ما وقلت لازم البس هاللبس المهم توكلت على الله ورحت النادي ولقطت كم صوره للنادي اتمنى تعجبكم وبعدها طلعت من النادي تقريباً 10 ونص رجعت البيت ولقيت الغاليه مصلحه شاهي على مزاجي خفيف مع نعناع وجلست أتابع برنامج روووعه بقناة "المجد" اسمه "الشاشة لك" صراحه تشوف فيه ناس مبدعه وناس فاشله وهذي صورة للبرنامج بعدها وصلت الساعه 12 الليل وتذكرت ان نظارتي عفجتها بعدما كانت على السرير وانا جيت طايراً محلقاً أريد أن أرقد فضغطتها ببطني وانعفجت وراحت 715 ريال قلت للزول أنا : هلا محمد تقدر تصلح النظاره شف منعفجه الزول: آي آقدر أنا: تراها غاليه انتبه لها الزول : لا والله اجل مااقدر يعني المنب قايل كان ناوي يكسرها وبعدها رجعت البيت وهذا انا بنزل الموضوع الحين اعذرونا على مصالتنا وسخافة اليوم واتمنى يومي جازلكم بخصوص السحور تراه الساعه 3 مايمديني اصوره بس ابشركم السحور صياديه