- [ سرد ع السريـع ]..

لكُل منا آحباب وآصدقاء لايحصون ..
قد يكون بين البعض منهم فقط مجرد السلام - وللكل بنيه خير للاخر ، " والله آعلم "
لكن – البعض معنيّون - وهم من احتويت الصفحه لإجلهم هنا ،
سأضع بعض من النقاط / رسائل - ولعلها تفي بالغرض بما اقول ،
قد يكون عتاب - مصارحه - ويكون ماأسطره ابلغ في توصيل مااريد كما اتمنى - دون تجريح !!

-

المعنيّون ( 1 ) : " تَحيز أو شَللِيه " !

في يوم بدينا ببعض من الخطوات وكانت اغلب الاحرف الي تراودنا
مثل - شكرا - الله يعيطك العافيه - بإنتظار جديدك ! دايم ماتكون بالواجهه ..
صحيح كنا ننقهر شوي بنظرنا ان الشخص مااعطى اهميه للموضوع الي تعبت عليه - وفعلاً !
لكن لمه يجي رد واحد من بينها كلها يكون سبب في ان العضو يكبر ويحاول يطور من نفسه اكثر –
فـ هنا جزاك الله الف خير كسبت فيه اجر والله !
اما انك تشوف شخص تعب وتطور وبالاخير يكون له كامل التهميش ممن صعدوا
وان كانت في ردود عليه - تكون من الاصدقاء او المحببين فقط !
ليه / هي شوفة نفس عليه - ولا امور شخصيه وسوء تفاهم - ولا كل منا كَبر وتكبر بداخله على غيره ؟
ماوصلنا لهالدرجه وإن شاءالله مانوصل ..
فياليت نراجع نفسنا - ونشوف من تهمش بحياتنا
مايسوى علينا فلان يشيل بخاطره لاجل موضوع وتهميش !!
" رساله خاصه موجهه لهم حرفياً "

-

المعنيّون ( 2 ) : " غَيابْ ورجُوع والحَمدلله ع السَلامْه " !

مرينا بظروف وغبنا فتره وودعنا بعض - واحنا بالف خير ..
طيب رجعنا - وكل واحد وصل سلامه وبشرنا عنه و لـِ هينا انتهى كل شي ..
لكن " ستوب " يجيك شخص او اثنين لاتعرفه ولا بينكم سلام ولا اي شي وعدد مشاركاته 2 او نزيد صفرعليها !!
ماسك ورقه وقلم ويبدا معك صفحه التحقيق !
ليه غايب ؟ وش مسوي ؟ وش هببت ؟ ويبدا القيل والقال-
- ياعمي اطلع من مخي انا رجعت وخلاص وابي انبسط الحين وش تبي انت ؟
ادري و أوؤمن بعرق الفضول المزروع فينا لكن مو لدرجه البثارة ياعالم !!
كل شي له حدود والله من يوم انخلقنا !!

-

المعنيّون ( 3 ) : " حرُوف و خصُوصِياتْ " !

خلف كل يوزر معنا بالمنتدى " قلب ومشاعر " < احلفي
له حياته الشخصيه وظروف مر فيها يمكن حلوه ويمكن لا ،
البعض منا اخذ [ مدونه ] خاصه فيه - لتفريغ شي بالخاطر من هم وغم ويمكن فرح ،
اولإظهار موهبه قلمه من خلال اشعار او خواطر ،
ومالأي احد حق بأنه يتدخل فيها - سواء بالنقد البناء ..
لكن البعض الله يهديه يمكن يكون صغير بالعُمر ويمكن بالعقل ،
يفرش لك البساط ويحكم عليك من خلال ردودك - ويبني احلام وقصص وهميه لاابعد الحدود ،
ويكون بالاخير بانيها على " فيس " او " " او حتى كلمه ،
ويوصيك سلم على حبيبك
او يجيك مدرعم ويسألك عن علاقتك وانت مرتبط ولا .. بتخطبني ياخوك ؟ ولا وش سالفتك ..
يعني ياخذ ويعطي بالكلام ولا حوله آحد ..
طيب ليش وايش اللي خلاك تحكم بهالنظره ؟

المعنيّون ( 4 ) : " خـَاص لهُـم " !

هنـَا
كِثيرْ يحبُونِكْ
آمانَه ..... لآتخلِيهمْ
-
هنـَا
كِثيرْ ينتظرُونكْ
آمانَه ..... آرويِهمْ
-
هنـَا
قلُوبَ نَقية – ونفُوسً نِزيِيِه..
آمانَه آنك ..... تِجيهَمْ
آمانَه .. آمانَه
حسسسْ فِيهمْ !

.

الخـُلودْ ..

..