.
مساء / صباح الرحمه والغفران
طبعا يومي ايا كان وبأي تاريخ وزمان خالي من السناعه
وكنت مستحيه احطه بس فيه ناس مااقدر ارفض لهم طلب
نبدأ
صحيت الساعه 2,30 وفتحت عيوني
غسلت وتوضيت وفرشت اسناني وصليت الظهر
وبعدها رجعت واخذت شاور ولبست بيجامتي
نشفت شعري وهذي صلاة العصر
صليت ونزلت تحت اشوف امي واتناقر مع اخوي
الصغير شوي واعانده لأني احبه يقول :
(
يماااااااااه شوفيها )
دخلت المطبخ ولقيتهم مسوين فطاير وبيتزا
وصورت كم صورة خلسة
بعدين طلعت قريت قرآن
وطلعت هذا الشي
وجلست اعمل فيه شعراتي
بعدين نزلت افطرنا ويوم خلصنا صليت
نزلت الصاله هدوء لأن اخواني الله يخليهم
طلعوا للملحق
تقهوينا وشفنا طاش ويوم خلصت طلعت امي
للصلاة وانا حطيت صديقتي ورفيقة دربي
( القهوه والماكنتوش )
وجلست اتفرج على
ام البنات
وهاتك ياقهوه الين تخلص ام البنات ،
وكل ماخلصت تسويلي الشغاله *******
ويوم خلصت فتحت عالصلاة
وفتحت النت ودخلت المنتدى
وجت امي من الصلاة وهزأتني عشاني مالبست
لأننا كنا بنطلع لـ / عمتي وطلعت طلعتلي لبس
ورحنا لعمتي وجلسنا عندهم للساعه 2 ويوم رجعت
فتحت LBC انتظر اعادة مسلسل الغالي
يحيي الفخراني
( ابن الأرندلي )
واول ماخلصت تسحرت بقايا الفطور
لأني مااحب الرز
واخذت مويه وطلعت قعدت ع النت الين
اذن الفجر
صليت وبعدها جلست اقرا كتاب لي شهرين اقراه
وماخلصته الى الآن
<< والله من التعيجز
وبعدين قريت قرآن شوي ونمت
هذا يومي عارفه ان مافيه اي شي سنع أو مفيد للأمه الاسلاميه
بس انا على قولة امي ( مافيه مني اي فايده غير السواليف )
اتمنى انكم استمتعتوا معاي
دمتم بكل الحب
تشكرات كثيرات آد السماء للمبدع ( المشتااق )
.