.. اه يالشرقيه ان هب نسناس النسيم نصف قلبي في يدينك ونصفه فالرياض هنا تجتمع رطوبة الشرقيه وزحمة الرياض في موضوع وبما أن بروقرامنا واحد قلنا نسوي لكم ديوتو بنسرد لكم يومياتنا بعفويه متناهيه جدا .. أرحبو ثم أرحبو حياكم الله على قل الكلافه البيت بيتكم اممممم يومي من متى احكي لكم عنه من البارح ولا اليوم تبون ؟ طيب البارح جونـا خالاتي كلهم وافطرو وتعشوعندنا أنا بعد التراويح رحت مشوار مع اخوي ومرينا دانكن وصورته لكم << يحلفون انها رايحه عشان تصور دانكن بس تراه جزء لا يتجزء من حياتى وعشق لاينتهي يوم جت الساعه وحده بعد منتصف الليل << اهم شي منتصف حطينا العشا اللى هو سحور بنفس الوقت قلت بصوره ماينـتـفوت اخاف لا جا يومي فى القناص بكره مايصير فيه الا شوربه اشوا اني صورت لانه صدق اليوم مافيه الا شوربه راحو خالاتي 2 ورحت على طووول انام صحيت الساعه 4 صليت بعدين كن النوم طار دخلت نت من جوالي اشوف من فيه بس ورجعت اقرا كتاب الرجل من المريخ والمرأه من الزهره << لا تقولون تهايط ولا شي ترا صدز والله قريته ونمت صحيت الساعه 11 والبيت هدوء اللى نايم واللى مداوم ماكان فيه الا انا والشغالات جيت الغساله لقيت اخوي كاتب هذا الشي على المرايه بعدها رحت وجلست على الاب توب ولقيت مرام وسارا ووجدان اون لاين وقعدت تقريبا الين 3 بعدين رحت وصليت ورجعت أشوف زمن العار مسلسلي المفضل والوحيد اللى يحظى بمتابعتي وجانا عمي ورحت جلست معه شوي قال وش رايك نروح نفطر فى المزرعه قلت لااااا موب وقته قال شرهتك على اللى يشاورك وخري بس قلت له طيب على الأقل بكره بعده عشان يكون يوم فيه قمرا << يقال لى اصرف بذوق الحين وبعدين رحت عاد اقرا قرأن لاحظو أنى مشناه قريت عقب المسلسل تدرون نفس القرأن كل يوم اخبيه في المكتبه أجي القى الخط الاصفر اللى انا حاطته صارفجأه بسورة الناس مدري من ذا اللى من اهلي يختم القرأن يوميا مشناااه وبعدها رجعت للنت شوي بس ترا موب القناص اللى فتحته شي ثاني عندي ذمه في سرد يومياتي بعدين رحت اصور لكم سفرتنا صورتها وقعدت أذكر الله وأدعي الين يأذن اذن وكنا نفطر وحنا نشوف برنامج بشائر الخير للشيخ الجبيلان ثم صلينا وجلسنا نتقهوى ونشوف طاش على لقيمات مملكة عمري اللى هي اختي بعد طاش قعدت ع النت أكتب لكم الموضوع وأذن العشا قالت امي اللى يبي يروح السوق يتجهز قلت مابي قالت بتروحين غصب لان العشر الأواخر مافيه سوق ابد قلت طيب ورحت خليت جهازي مفتوح صليت ولبست عباتي ورجعت وهذا أنا بعتمد لكم الرد ثم أروح حياة مول مع ان مالي نفس نهائيااا والله يارب عاد القى شي لأن السوق مخيس جدااا بصراحه هذا انا اعتمد الرد وبطلع فمان الله ولي باك ان شاء الله بعد السوق يلا سيده بعد ردي
وياصاحبي ماهي عليّ مقاضيب عذروبي انك ذخري اللى ذخرته عذروبي أنك شوهتك الاكاذيب عذروبي انك جاك طيب ونكرته ومن رحت مني قلت ياعلك مصيب دورت لك عذر كريم وعذرته للي يبي بعدي انا ماني قريب هو ماربحني والا انا ماخسرته رغم الجروح اللى بقلبي معاطيب حبيت كفين الزمان وشكرته