السلام عليكم ورحمة الله وبركاته .. ( صبـاحكم / مساؤكم ) : جوري .. * ترى روح يوزري بمنتدى ثاني .. ولاني ماعرف للمقدمات آبد .. كوهـ خلونا نروح ليومي صحيت الساعه 4.30 تقريبا .. آخذت آغراضي عشان آخذ لي شاور وطلعت لي يبجامه .. وهذي صورهـ للمنشفه والبيجامه .. فرشت سجادتي وصليت العصر .. آخذت لاب توبي العزيز ونزلت تحت .. طبعا مالي شغل في المطبخ .. ودي اسوي مثل باقي البنات .. اطبخ واسوي اشياءات بس شسمه من بياكلها حدنا شوربه ولقيمات وسمبوسه .. وثلاث هالاشياء تروح لعمال المسجد ماناكلها .. جلست ع النت شوي ولا انتبهت لنفسي الا يوم آذن رحت بسرررررررعه ابي اصور السفره قالت امي اجلسي بس وش تصورين قلت يمه تكفين المنتدى قالت بعد .. بتنزلينها في النت .. مافيه ماعلمتيني ازين شي وراحت عليكم صورة فطورنا الجميل .. ومن بعدها وانا ناسيه اصور ماصورت الا يوم طلعنا من البيت نسيييييت كل شي .. بعد الفطور صليت المغرب وجلست مع امي وابوي هم يشوفون طاش وانا ع النت .. جلست احمل حلقات قلوب للإيجار .. يوم جت الساعه 8 واحط على ابو ظبي آشوف ام البنات .. حلوووه حلقة اليوم .. عجبتني قمووش تفكيرها خطير هالبنت مسويه حنا للطوارئ .. والتسلبه ردّووون ماتستاهلين صقور ياللي منب قايله مالت عليك .. خلصت ام البنات ورحت اصلّي وقريت شوي قرآن "ان شاء الله نختمه في هالشهر " جت امي قالت لي ترى بنروح بيت جدك بعد مايطلع ابوك من الصلاهـ .. وتذكرت اني ماصورت شي من بعد المغرب الكلام هذا 9.30 تقريبا .. رحت طلعت لي لبس .. رحنا لبيت جدي كان فيه ثنتين من خالاتي وخالو وزوجته .. آسوم بنت خالتي ماجت مشتاقه لولدها من زماااان عنهم دخلنا عليهم وهم يتقهوون .. جلسنا نتقهوى وناخذ ونعطي .. حـلا مسويته بنت خالتي اللي في المتوسط محد تهزأ يوم درت امه انها هي اللي مسويته ( من قال انا ) ويجينا خبر جمعة فطور في بيت جدي يوم الخميس او الجمعه الجايه مب الجَمعه العاديه لا لا شي ثاني شي يقصر العمر شوي خالاتي وخوالي و عمات امي اللي هم خوات جدي مع اخوانه وزوجاتهم وفايز والله فايز -> طار عقلها مع الخبر الساعه 10 وشوي .. هذا وش وقته ؟ يييييييييس باب الحارهـ ونروح للملحق نشوفها فاتتنا شوي من البدايه .. بعد باب الحارهـ بشوي جاني ابوي .. بروح معه للسوبر ماركت عشان بنات عماتي بيجوني خلال هالاسبوع ان شاء الله رحنا للعثيم .. وطلعت بهالاشياءات البسيطه .. وزوووووم ع الوسط آهـم شي ترى التوفي القديم دقت علي امي تسأل ويني عشان بيحطون العشا .. قلتلها وش العشا .. قالت رز ومعاه اشياء ثانيه .. قلت اهااا اشوى اللي عرفت ونمر بيتزا هت اخذنا بيتزا .. ورجعت لبيت جدو .. على دخلتي حطوا العشا .. الساعه 12.30 .. وهذا صحني لايفوتكم الصحن حبيب قلب جدتي مايهنا لها العشا الا لين شافت هالصحون بعد العشا جابوا الشاهي و جلسنا نشوف سباق المشاهدين وعلى الساعه 2.30 كذا رجعنا للبيت .. على طول على غرفتي .. وجلست ع النت شوي .. بعدين نقلت الصور للاب توب وجلست اصغرها وكذا .. جاب لي ابوي مويه عشان اذا اذن آمسك .. زوووم ع العلبه اللي هناااااااك والحين خلصت من الصور ورفعتها .. وجلست اكتب الموضوع .. وبس .. ان شاء الله يعجبكم ..