.
ابـطـال اـلقـصـه :-
عبدالله / موظف في المستشفي
خالد / ظابط في الشرطه
سعد / مدرس
نواف / موظف في وزاره
فهد / موظف في بنك
خالد : وشرايكم بما ان رمضان بكره نبي نطبخ
عبدالله : لا وين صعبه كل واحد عنده دوام يعني مافيه وقت عندنا
خالد : الحين كلنا نطلع بعد صلاه الظهر وبنصكها نومه
نواف : والله مهب شينه نطبخ بعدين اغلب الطبخ وشو قلي بس
سعد : وشرايكم نجيب لنا واحد يطبخ لنا احسن لنا
خالد : لا ماله داعي يازين رمضان وفيه طبخ
فهد : انا معكم بس لا تظغطون علي لا اخاف يكون عندي دوام لين العصر في البنك او شي
خالد : معليكم انتم أي واحد يكون عنده دوام لين العصر بنأجله له لين بكره والاربعاء والخميس والجمعه كل واحد عند اهله
نواف : طيب نبي قرعه عشان محد يزعل او يجي في خاطره شي
خالد : صادق والله يلله كل يتجهز وبدون زعل من الجميع
نواف : ايوه الحمد لله انا رقم 3 يعني يوم الاثنين
خالد : لا مستحيل انا يوم السبت اول يوم
عبدالله : المهم لاتزعجنا بس انت اول يوم ولاتناقش
نواف : لا وصيك عاد خالد نبي فطور سنع عاد اول يوم في رمضان انت هههههه
خالد : مابي احد يتحكم بجيب من مطعم لكم
سعد : معصي ثم معصي بعد الي اوله شرط اخره نور نبي طبخ بيت دبر نفسك عاد
خالد : لاتدققون عاد
فهد : لايعني لا نبي تطبخ انت ياخالد
خالد : خلاص عاد الله يعيني بكره على الطبخ
نواف : بلهي نبي بكره تلف لنا سموبسه وتحشيها لحم مفروم بجبن
فهد : ولاتنسي بعد القهوه والشاهي
عبدالله : خالد مانوصيك بلحلا الزين من يدك الناعمه ههههههه
خالد : لاسمع كلمه منكم وحده ولا احلف مسوي فطور لكم
نواف : احلف بس انت الي بتسوي لنا بكره الفطور ههههههههههه
خالد : خلاص خلاص طيب بسوي فطور لكم
عبدالله : سو لنا معجنات وحركات لنا لاتنسي شي ياخلودي ههههههههه
.
يوم السبت الساعه 2 الظهر اول يوم في شهر رمضان المبارك
.
نواف : الله يقويك ياخالد لاتنسي شي تسويه بس هههههههه
خالد : معليه اظحك انت وجهك بكره انا بموت من الظحك عليك بكره دورك عاد ههههه
نواف : لاتقول والله ناسي عاد تصدق انا معزوم
خالد : معليه اجل تصير اليوم الي بعده معندك مشكله هههههه فيك فيك المطبخ
نواف : اجل خلاص انت وجهك بسوي الفطور بكره
خالد : ياحلوك ونت مستسلم لبكره ههههههههههه
.
الساعه 6 المغرب
.
خالد : الحمد جهزت كل شي لهم اقدر ارتاح شوي لي الحين قبل الاذان
عبدالله : سعد كم باقي على الاذان
سعد : باقي نص ساعه
عبدالله : ياخي مدري احس اني بدخ من الجوع والعطش مدري ليش
سعد : ياخي انت قايم الصبح ولانمت شوي
عبدالله : ياخالد اخلص علينا
خالد : طيب نادوا العيال
سعد : نواااااااف يافهد عجلوا خلاص بيذن الحين
خالد : ياخي ارحمنا من هذا الصوت العالي
عبدالله : انت عارف ياخالد المدرسين كلهم اصواتهم عاليه ومزعجه
خالد : اما هذي صدقت فيها
سعد : احس اذاجيت انادي البعيد مهو بيدي لازم ارفع صوتي
نواف : سعد صوتك اسمعه ونا في الحلم ياخي لاتنادي وحنا نامين
سعد : يعني تنامون ويفوتكم الفطور الي صلحه خالودي بعد عمري
خالد : الله يسلمك <<< كبر راسه ههههههه
فهد : بكره منهو عليه الفطور يسويه لنا
خالد : زين الشباب نواف بكره بصلح لنا الفطور بكره
نواف : الله يعيني بكره عليكم بس
خالد : انا كذا خلصت بروح اصلي المغرب ونام لي شوي
عبدالله : رح ارتاح انت بذلت مجهود كبير اليوم الله يعطيك العافيه
خالد : الله يعافيكم بس لاتنسون بكره الفطور على نواف
بقلم / ابو نجوى السهلي
.