السّلام عليكم ورحمة الله وبركاته
كيفكم مع هالأجواء والمطر والرّعود 
..
الله يديمها علينا ياربْ 
.
الصراحة أنا توهّقت يوم قالت لي شوق تبيني أشارك بـ قناص في رمضان 
..
بس بما انّي فاضية جدّاً وافقت 
.
و اعذروا كآبة الموضوع 
, معظم الصور أبيض وأسود, مدري شلون صاير هالمود 
؟
أنا نومي مخربط بشكل , مانمت إلاّ الساعة 11 ونص صباحاً 
و قبل ماأنام , أمّي قالت لي لازم تسوين حلاكِ اليُوم 
< صار لها من أول يوم رمضان توعدهم بحلى وللحين ماسوته ..
قلت لها طيّب بس جهزوا لي طلبات الحلى ومن عيوني 
أمّي الله يسعدها جهّزت كل شي ونامت 
, وأنا قلت إذا نعست أقوم أسوّيه ,
اخوي الصغير "أحمد" مادري شسالفته يبي يسوّي حلى هو بعد ..
و من أمس يزنّ على أمي عشان تسمحله وأمي تعييّ
لين وافقت اليُوم
جاني وهو ينطط من الفرحة ويقول بسوّي حلا بسوّي حلا , و يقول لحد يجيني المطبخ
وياخذ له شي نص ساعة بالمطبخ ويطلع على غرفته وينام.
و يوم صارت الساعة 10 دخلت المطبخ بسوي حلاي اللي مايتسمّى , شفت لكم هالمنظر :-
لا يفوتكم شكل الحلى بآخر صورة , مدري مين بياكله ؟
طبعاً المطبخ مقلوب فوق تحت, والبسكوت ياحرام كله مرمي ع الأرض 
و لقيت كل الطلبات اللي مجهزتها للحلى تبعي مفتوحة ومكبوبة , حط كل شي قدامه بصينية الحلى ورزعها بالتلاجة , حتّى الكورن فلكس حطه .
أنا فقدت الأمل , وبطلت من شغلة الحلى كلها 
.
ف طلعت عجينة البيستري من التلاجة,
وسويتها ع السريع وبالكيري 
و حطيتها بالتلاجة عشان اذا صحوا من النوم يحطونها بالمايكروويف
وطلعت ابي أنام,
وقبل ماأنام, شفت هالمنظر من شباك غرفتي للملعب اللي قدام بيتنا .
ولقطت هذا الشخص اللي مااعرفه وكان يتدرب مع هالصباح 
, مدري كيف يستحمل مع رمضان .
صحتني أمي ع صلاة الظهر, صليت ورجعت نمت, وشيكت ع اللاب عشان اشوف وش صار بالتحميل.
وبعدين صحوني ع صلاة العصر ورجعت كملت < اختي تحسدني كيف أقدر أكمل نومي بعد مااقوم .
و آخر مرّة ابوي صحاني على أذان المغرب, وقمت فطرت
بس للأسف ماصورت السفرة , وماوريت مرام أكل أهل مكة خخخخخخ
بس قلت لازم اصور لكم الباستري اللي سويته :-
و بعدها جلسنا على طاش وبيني وبينك < وبنفس الوقت أكتب هالموضوع :o !!
و أنا أصوّر للموضوع اخوي رجّني يقول لي صوري رسمتي عشان يشوفونها
أختي رسمته , وهو بيتجنن ع الرسمة
أهمّ شي في الحياة بالنسبة له محمد نور والسيارات 
!!
بعدين شيكت على ايميلي ولقيت كم رسالة من صديقتي بالمرسم
ترسل فيها صور من كلاس تصوير الاستوديو
الصور أنا مصورتهم, ملاحظين التحببّ الفظيع بالصورة ؟
و المودل هذا ولد سكرتيرة المرسم , هريناه تصوير ووضعيّات ياحرام .
و آخر شي كلمنا السواق عشان نروح السوق ونخلص من مقاضي العيد 
.
بس قبل مانطلع لازم نشوف "زمن العار"
و بكذا خلص يُومي, قربعة وعجئة ونومة وقومة 
..
ان شالله يكون يوم خفيف .
و شكراً أكثر شي لـ شوق 
.