مساء الورد وعطره ادري تأخرت لكن شأسوي حوسه جتني بيوم واحد المهم مالكم بالطويله نبدآ تفاصيل يومي الحلو >> امحق حلو كله كرف صحيت الساعه 2 الظهر رتبت سريري على طول اخذت شاور وفرشت اسناني وبدلت ملابسي بعدين طلعت وصليت ثم نزلت واشوف امي الا هي تقول وش قومك انا طارت عيوني لانها اول مره تقول وش قومك قلت ياعسى دوم تقولي وش يقومك دخلت المطبخ بشوف وش اسوي وش مااسوي لقيت اختي تسوي نوعين حلى وحبيت اساعدها بالاغراض وهيك طبعآ هذا بعد ماجهز عاد رحت اخذ مكرونه واغسلها واضبطها يوم خلصت رحت اخذ حوسة التورتيلا وجلسنا نزينها انا واختي >> مدري وش يبي ض1 صنع يديا وحياة عنيا بيتنا مستحيل كلهم يتفقون على شيء يحبونه كل واحد وله شيء معين يوم خلصنا رحت اشيك عالشغاله وهي تحمر السمبوسه على الصاج لان ابوي مايحبها بالزيت >> عائله معقده وبعدها طلعت غرفتي وصليت العصر وقريت شوي قرآن للآسف وقت العصر وانا بغرفتي مامداني اصور ثانيه بعدين نزلت مره ثانيه لاهلي الا امي تقول جبت لك العصير اللي تحبنيه الا وهو " نادك فراوله " مع اني لاشربته يجيني خمول الا اني احببببه ومايخفى عليكم مستحيل يمر يومي مافيه هواش هالمره اختي سافرت وخلت عيالها عندنا ومن قمت وذا يبقسني قسم بالله بغيت احطه بالفرن وافتك وبعدها دخلت للصاله وجلست اتصفح الجريده وقت العصر لان العصر احسسه طويل :| ومليت منه رحت اشيك عالنت وموقع القناص خاصه بعدها مابقى شيء عالاذان رحت اجهز السفره مع اختي حتى العصيرات كلن وله شكل يحبه ض1 طبعآ اذن وافطرنا وكلن راح يصلي بعدها صليت وجيت عالنت شوي واخذت شاور ثانيه عقب ريحة المطبخ : ( ولاانسى اقولكم بغيت اطيح بقدر الزيت لاني ماشبعت نوم امشي ولااشوف ,, مع ان امي كانت حاطه القلايه بسيب المطبخ ض1 واللحين انتظر بنت خالي تجي ونكمل السهره وبس هذا يومي عالسريع حبيت انزله قبل يتأخر الوقت ولاحظو مااصور الا اذا بيجينا احد عشان يكثر الطبخ والاصناف ض1 وباقي حوسة الصور مير زين نزلت ذولي وثانكس نود على تضبيط الصور
| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am