اقتباس:
المشاركة الأصلية كتبت بواسطة ملتاعه على الملتاع
اهلين حـلاها ..
بـ صراحه اللي صار شي مادري وش اقول عنه الا انه ( حَقارهـ )
مبررات الزوجه الاولى آبــدا مو مقنعه مهما قالت .. :
قالت انه معاملته معاها زفت .. طيب ليه تسوين كذا .. وش دخل المعازيم .. وش ذنبهم باللي صار !
قالت تبي بس تخرب فرحته .. طيب خربي فرحته .. أأذيه هو يالمريضه بس مو تحرقين الناس !
قالت انها ماتوقعت يصير اللي صار .. تحط بنزين على خيمه وتحرقها وتقووول ماتوقعت يصير اللي صار ..
تحط البنزين قدام الباب وتقول ماتوقعت !!
طيب مستوعبين ان اغلب اللي ماتو ماتو من الاختناق والتدافع مو من الحريق ..
مستوعبين ان فيه ناس امضوا ليله كامله مايدرون بناتهم مع العايشين ولا ميتين ..
فيه ناس ماعرفوا ان بناتهم ماتو الا بـ تحاليل ولا دفنوا الا اشلاء متفحمه !!!!
مافي احد ملام غير الزوجه الاولى .. لان مهما كانت المبررات لفعلتها ماتكفي .. !
يتمّت اطفال .. رمّلت رجال ..
رجال طول بعرض وهيبه انهاروا فقدوا بناتهم وزوجاتهم بـ ( لحظه )
وش يقولون لـ أطفالهم ليلة رمضان .. ؟
العقوبه ماتتعدا الزوجه الاولى ..
ولو بـ يدي .. تنحرق على نار هاديه .. تذوق اللي ذاقوهـ المساكين ..
حسبي الله ونعم الوكيل .. : )
الله يغفر لهم ويرحمهم ..
ويصبر أهاليهم .. ويثبت قلوبهم ..
ويعينهم على صيام وقيام رمضان ..
ويغفر لموتانا وموتى المسلمين آجمعين ..
|
|
يسلم بؤك ياملتاعه ( f )
انا مع ملتاعه بكل كلمه يعني ماراح اضيف الا
ان انسانه تنتقم او تفكر بالطريقه هذي هي باختصار
(مجرمه) او عندها (نزعه اجراميه) ،
واذا على قولتها ظالمها خلاص توكل امرها لله
والا لو كلن بيسوي سواتها كان على الدنيا السلام
وش ذنب المعازيم وش ذنب اهلهم وش ذنب شخص
دافن امه وخواته وش ذنب اطفال امهم رايحه تحضر
زواج ترجع لهم جثه مستحيل التعاطف مع انسانه
بهذا التفكير ،
مااقول الا حسبي الله عليها
الله يرحمهم ويغفر لهم ويعفو عنهم ويصبر ذويهم
.