$$المدخل $$ لعبة أدوار البطولة فـزت فيهـا عـن جـداره تستحـق أفضـل هديـة فـايـز ٍ بالأوسـكـار تلعب أدوار المحبـة تلبـس أثـواب الحضـارة بين قلبي وبين عقلي اشعـر إنـي فِـِ انشطـار نصفي يعشق كذبتك والنصـف تقتلـه المـراره ضاع قلبي في جنوني .. كيف يخذلنـي القـرار ادري إني شخص عابر وانت في صف الصدارة ليه قلبي بك خذلنـي ولـك جرفنـي الإنحـدار في سطورك كم أسامي ..؟ ذي مشاعل ذيك ساره باقي نوره ..باقي هيفا واسما يحجبهـا الستـار رتب أوراق المحبة .. لعبتـك ماهـي شطـاره كمـل أدوارك وجمـل فـي مواكبـك انتصـار الغدر والخيانه الغدر والخيانه شي يمشي بالرجال كما مجرى الدم واسهل من شرب الماء يعني كل يوم اسمع قصص فلان خان فلانه فلانه غدر بفلانه فلانه غدر بحبيبته ونشرصوره فلان خان زوجتك وفلان خان حبيبته ومازلت سلسه الخينات متواصله ماانصف النساء بس النساء مقارنه باالرجال اقل غدر وخيانه الرجال اقص يدي ان وجد رجل وافي صرت اشك بس اجزم ان مافيه احد وافي والدليل الي اشوفها واسمعه الخيانه والغدر صفات المنافقين فتجد الرجال الي مايخونه مايسمونه رجال في الاستراحه >>بتنجلد بس عن جد ماجبت شي من فراغ كله معروف اكثر الغدر الرجال واكثر في الخيانه الرجال وذالك لطبيعه قسوه قلوبهم ولطبيعه ملل الرجال مره من المرات قراءت دراسه بريطانيه بان الرجال اكثر ملل من الروتين او الحياه الهادئه بينما المراءه تسعد للاستقرار >>>على ذمه اهل ابريطانيا يعني الرجل مايحب يعيش مع امراءه واحده اذا ماسوى كوكتيل حريم صف جنبه مايستانس ويستمتع في تعذيب المراءه وقهرها فمثلا الزوج لو حرمته مو مقصره عليه بشي راح وتزوج ليش يابو الشباب؟؟ الله حلال لي اربع طيب دامها حلال لك اربع اعدل انت ووجهك تلقاه يطير مع الجديد ويحسبه ملاك ماتكذب ويهمش الاولى مع عياله وانواع الظلم والمشاكل والتفكك الاسري وكل ذاء بسبب انه الخيانه بدمها تجري واذكر امي تقول عادي من حق الرجال يتزوج اربع بس انا مااعترض على حكمه الله لاوالله معاذ الله بس قمه القهر ان حرمتك ماتكون مقصره عليك بشي ياشيخ تقوم تجازيه بالزواج عليها ومهما طالت العشره بين الرجل والمراءه تلقون ان الرجال هو الي يخون ليش؟؟!! لانه مايقدر يعيش بدون مايغير بالحريم كانه لعب عندها وبعض الحرايم تجدها مسلمه وساكته والثانيه انواع الظلم والذب عليه وهي ساكته ثم لقلت له ليش ماتتكلمين قالت اخاف يطلقني وياخذ مني عيالي يعني قسم بالله اشوف واسمع انواع الذل كل يوم يهدد بالطلاق وقدام عياله واذا كان مطلاقه يهدد بااخذ العيال اعرف اني دخلت بمشاكل ثانيه بس سببه ها المشاكل الخيانه والغدر نرجع لمحور كلامنا يعني نفسي افهم وش بيصير بالناس لو وفئت لبع وبطلت غدر وطعن بالظهر بتصير احلى حياه بدون مااحد ينجرح زواج حب انا خالتي تزوجت زوجه عن طريق الحب لانه كان ولد جيرانهم حبو بعض وتزوجو جابو بنت جاء عمره 7سنين وخالتي ماجبت بعدها احد ومازالو ينتظرون رحمه الله ويوم جاء عمر بنته 8سنين حملت خالتي وجابت ولد لهم كم سنه ينتظرونها فرحو فيه فرحه كبر ها الدنيا لكن زوجه دخل عليه وهي توها طالعه من المستشفى عمر ولد ماكمل اسبوع دخل عليه هو وزوجته ليش ياولد الحلال انا حبيبتك والله انا مليت بكل وقاحه قال انا مليت يعني مليت منك ولانها يخطط من زمان قبل لاتولد كان يفكر بتجيب بنت عشان كذا قال اخذ سبب حمله للبنات عذر بس شافه جابت ولد قال عذره مليت يعني مافيه عيب طلع عيب فيه انه مل يعني وش تحس فيه لعبه عندك تلعب فيني بعدين تمل مني بعدين ترميني وتقول مليت وتروح تشوف لعبه احلى بكثير وتاخذه بس بكره بتمل ويناعاد نفس السيناريو خيانه زوجيه من يوم عمري 6سنين وهي عندنا عايشه خدمتنا احبه بجنون لانه اجمل وارق واحلى واطيب مربيه بالعالم كانو خواتي يعصبون عليه كان عبده عندنا بس امي لاكانت تموت فيه مثلي كنت اخليها تنام معي في غرفتي على السرير لاني احس انه تفهمني حيل وتقدر مشاعري رغم اختلاف كل شي فيني وفيه بس امي قررت تسوي له غرفه لحاله عشان تكون له خصوصياته وانا رحبت بالفكره بعد مارفضت كثير لان صدق اي انسان له خصوصيات ولازم هي يكون عندها خصوصيات المهم كانت تسافر وتروح لاهله وتجي وقبل لاتجين كانت تشتغل عند عايلئه كلها امراء من ال سعود الله يحفظهم المهم ومنا ومنهم جمعت فلوس اشترت مزراعه وفله زوجوها اهله واحد عادي عنده لاتحبه ولاتكرها جابت بنت وهي عمرها 18سنه وكنت مااخليه تشتغل ابد وجبنا زوجه يشتغل عندنا سواق لين تولد لاني مااقدر استغنى عنه المهم جابت بنت عسل وقمر تهبل جلست عندنا بنتها لين صار عمرها 4سنين وكنت اعلمه كلام سعودي كانت سعوديه خالصه وتقول كلام عرابجه مثلي >>>تخرب امه لحاله بس هي ودت بنتها عشان تدرس عند جدتها وجدها وابوها قبل شهر دق زواجه وقعد يقول كلام رومنسي حيل >>>برا وهي تعلمني تقول انه متغيره صاير ذرب وهي حبته بجنون بعد الزواج وكان كل لم يطلب منه فلوس تحول له ودقئت امه تصيح وقلت عايشه زوجك خانك تزوج عليك ويلعب بفلوسك هو وهي وابوك يقول لاتعلمينه بس انا ماتحملت اخبي اكثر من كذا متزوج له شهرين الضعيفه عيوش اغمن عليها وودينه للمستشفى وعطوها ابره مهدئه انا قعدت اصيح بقوه اول مره اشوف حبيبتي عيوش الي الضحكه ماتفارق شفاتها كذا حلاتها >>حسبي على الرجال يموتون ولايدرون ويسرقون الفرحه من حياتنا وهم ماهمهم شي قامت واسترحت لمده ثلاثه ايام وفي اليوم الرابع طلع كبرياء وجبروت الانثى قامت وهي تضحك وتقول (( لازم فيها جيب حق مال انا انا مو كمخه >>>مصطلحات سعوديه معلمتها انا لازم هدا ساجد يعرف من عايشه لازم ارفع قضيه طلاق يافوز هدا اول شي>>اموت بجبروتك ياعيوش بعدين لازم ارفع قضيه حضانه لبنتي ((كرشما))>>>تحب القضايا عيوش مو مثلي احب اذ حقي بيدي بعدين اروح اسكن ماما وبابا مال انا فله الي يسكن فيها ساجد وحشرتوه وبعدين لم يلص كلو موضوع انا فيه اجيب هدا اخويها ناصر الله يضرب ساجد على حشرتوه وبعدين اج لسعوديه لك يافوز)) بس انا قلتلها جيبي بنتك ياغبيه لايخطفها ويهربه بعدين تموتين بقهرك عايشه: فوز انت واجد خطير خلاص انا فيه جيب بس لازم اخذ اذن ماما مال انتي يافوز رحت يم امي وهي تزقر بالصاله وعندها فصفص وبيره >>>اقصد وهي تتقهوى امي البريئه واقولها وتقول تصيح امي قلت ياحرام مسكينه ياشين فرقى الضنى ويقومنا يضمنا بعضهنا ويسون فلم هندي بس اجتمعت انا وامي وخالتي وقعدت عيوش تخطط وتفصفص وهنا الحريم يموتنا با الخطط وتفقنا على الخطه الريسئيه حقتي انا وعيوش ورحنا وودعنا عيوش باالمطار وانا قلبتها مناحه كا العاده كل ماتسافر مطار الملك خالد حفظني ومازلت عيوش تدق علي كل يوم انا وامي وباقيه نساء الحاره وتتطمنى بانه كسبت جميع القضايا وانها راجعه قبل رمضان بيوم >>>>ان اقول ان حنا كيدنا عظيم لايعني مانلعب لاتكتفنا ياويلكم منا >>يقلون لكم ياالرجال لاتلعب مع اللبوه تاذيكالعب مع النمله وانت تضمن حياتك عاد عايشه قعدت اخر ليله قبل لاتسافر تدق عود ومره تجر ربابه ومره تعزف جيتار وتغني ها الاغنيه ((على النيات )) للفنان فيصل الراشد ((خنتني مبروك يعني شختلف** هذي الدنيا وهذا الكون كووون)) ((تحسب قلبي ياساجد من الصدمه وقف**ماتاثرت بس عرفت انت من تكون)) ((يعلم الله معيشك عيشه ترف**كل ماتامر وتتمنى ياالاندونسي يكون)) ((كنت انت طفل وانا لك صدر حنون)) الخيانه والغدر موجودين باها العالم كثير لكن اذا كل واحد وفى ماراح يكون فيه احد بيغدر او يخون واذا كل واحد حط نفسه بمكان الي غدره او خانه او فضحها ماراح يغدر او يخون او يفضح لانها مايرضاه لنفسه الرسول صلى الله عليه وسلم قال ((ماتحب لنفسك حبها لااخيك)) كما اتمنى ان ينعدم الخيانه والغدر من على وجهه الارض كي ننعم بسلام ولكن كثير هي امنياتي هل في يوم سوف تتحقق بعد اذن الله الاسئله؟؟؟؟؟ س1- الغدر والخيانه لماذا انتشرت؟؟ ولماذا انعدمت الثقه؟؟ س2-لماذ تكثر عند الرجال وتندر عند النساء ؟؟ >>>لاحد يعصب بريطانيا هي الي قالت س3-هل الزيجات المتكرره بدون سبب تجدها خيانه مثل ماانظر انا لها؟؟ س4- الغدر الخيانه كم هما قسيتنا تلك الكلمتان ؟؟مامدى قسوتهم في نظرك؟؟ س5- اذا تعرضت للغدر والخيانه ماهو موقفك؟؟ س6-هل عمرك خنت او غدرت ؟؟واذا فعلت ماذا يقل لك ضميرك؟؟؟ $$المخرج $$ بس تدري وانا ادري إنـي لـك أكبـر خسـاره وإن قلبي يوم قفى ضـاق بـك رحـب المـدار وإن طرفي ذا يسـاوي ألـف هنـد وألـف ياره وكل مشكلتي فـهواك ..للأسف سـوء إختيـار في عيوني ذا جنوني .. وعزتي فـالوقت شاره والبها والحسن شامـه خدهـا شمـس النهـار قم تسهـل ياحبيبـي والعـب أدوار الإثــاره واكتب اسمك بالخيانة .. مهنتـك والفـن كـار لعبة أدوار البطولة فـزت فيهـا عـن جـداره وتستحـق أفضـل هديـة فايـز ٍ بالأوسـكـار المدخل والمخرج لشاعرة جود المشاعر .. اتمنى اني افدئت فيما طرحت