قسم بالله مخنوقة

ونفسي بادي يضيق
وش السبب الكون صاير صغير
ولا البلى من صدري والي فيه
تعبت أتنفس واختنق
ويضيق الكون من أربع جهاته
يمكن موتي قرب !!

اقلب بالدعوات واغني بيني وبين نفسي
اغاني حفظها لي زماني الاغبر
لفت انتباهي كرت من احلى الكروت
دعوه خاصه ولي انا !!
يارب من يكون
انا اعرف والكل يعرف ما أحب صوت الدفوف
ولا احب ازعاج الحضور
معجبني اللون بالحيل
والكلام فيه مصفوف
يارب من يكون
بأعلى الدعوه اسمه
يووووووه هذا البارح حبيبي والله كلمته
ولا جاب طاري عرسه
اكيد مزحه ولا القدر جاي يلعبها
يعزمني على عرسه
شكله انجن ولا باقي على جنونه شوي
اتصل عليه والجوال مقفله
اعرفه لازم يرد
شكل عرسه قرب
سألت ابوي وهي يقلب بالبشوت
يبه من عرسه الي ودك تروح !
عرس فلان ولد فلان
عازمنا كلنا وانتي بالخاص
صدق وشلون صح يبه تستهبل !
ضاق الكون والسواد فيني يزيد
تمايلت وضمنا ابوي
صار يسألني وش فيك ؟
يارب انا وش ارد عليه
اقول مريضه واخوفه
ولا أعترف اني حسبت الرجال مثله وحبيت
وصار يقرب لي بشويش بشويش
بنتي وش جرالها ؟!
ابد يبه بكره تشوفني قالبه البيت ضحك وشطانه
لاتخاف انا بنت رجال ولا أي رجال
صار يلعب فيني وضمني وصار يطلب
يارب اشوفك احلى عروسه

الساعه تدور وتدور
وعرسه باقي له ايام وشهور
واشتريت له فستان احلى من كل الحضور
واحلى من فستان العروس
كبييييير وأدري اني ذبلت ونقصت بالكيلوات
والثوب بيهد حيلي

يسألوني عن أحوالي
وأجاوبهم انا موعوده بخير
اليوم عرسه والحضور كثير كثير
ادري انه يحبني
وانه على عرسه مجبور
ادري فيه وانا روح امه
ايه يناديني روح امه وابوه
وخلف جده وربعه
كنت اخاف يزل لساني واقول ياروح امي وابوي
محد يتعدى غلا امي وابوي بالكون
احس الكون يضيق ويضيق ويضيق
وصرت ادخل بشموخ
واسلم على أمه والحضور
وصاروا يرددون
كبرتي يا بنت فيصل وصرتي عروس
أجاوبهم بخجل ودمعتي على خدي تسير
وش يفيد الكبر دامه اليوم عريس
وصرت وراء امي اسير
ماودي احد يلمح هالانكسار
وصاروا يبخرون الحضور
بريحه احلى البخور
وريحه العود هزتني
مادري يمكن تذكرت كسري
وصارت امي تخبيني
اكتمي نفسك ثواني على مايخف الريح
ماودي يضيق صدرك وتنكتمين
يمه انا بلا عود مخنوقه
معقوله العاشق يخون
وينسى ماضينا ويهون
خانقني زماني وصار يخنقني بشويش بشويش
قربت لي بنت ومعاها دفتر كبير
كله ورود والكرستال فيه منثور
وعلى غلافه صورة حبيب البارح وعريس اليوم
وصارت تقول
Please
I write to congratulate the bride
يارب وش اكتب
اخر الحكي من اكون
مسكت القلم وكله وردود
جرحتني ورده من أحلى الورود
ودمي على كفي يسيل
مسكت القلم وحالي مثل حال الكسير
صرت اكتب واكتب وابعد عن الحضور
"مبروك عرسك الف مبروك
................................... رنا ! "
وضميت صورته على قلبي
ودعيت الله يسرك يا أحلى عريس
وسميت عليه وقلت له بشويش على صاحب ألصوره بشويش
وصارت تطالعني بذهول !!
حسبتني مجنونه وصرت من مجانين الهوى يا يمه !
يارب وش صاب هالكون الوسيع
الكل صاير يخون !!!
الحضور على صوت العود يغنون
ويتمايلون على أحلى الأغاني
والكل مبسوط !!
الا قلبي وقلب امي المجروح على قساوة هالقدر
تقول امي
ذقتي الخيانه وانتي بنت وتوك صغيره
وقعي على تعهد وامنعي قلبك من الحب مره !
ماكفاك الي ذقتبي ماكفاك دموع وذبول وفوق كل هذا انكسار
متى على حالك تروفين
صرت اجاوبها بسكوت
ابتسم واضحك
وانزل راسي وامسح حرقة دموعي
بعد سواتك فيني
حسيت نفسي سفيه من بعدك تتكسر
صاروا عن دخوله يعلنون
والكل صار يتغطى
الا أنا
وقفت قدامه صنم
بس أطالع عيونه
وأترجم أحلى المعاني
كان يتلفت على الحضور
يمكن يدور عروسته
صار يطالعني انا
لالا يدورني انا
احس بعيونه حكي
سواد وارهاق وتعب
كنه يشتكي
والله بعيونه حكي
يرمون احلى الورود
وصار الورد بدربه منثور
ويكبون عليه احلى العطور
وعلى محمد عبده انزف
وقصيده فيها مني كثيييييييييير
خنقتني العبره على حالي
بس يارب على حالي يروف
وصار يطالعني ويمشي
بس يارب مايضيع طريقه
يمشي على هونه
هنا مصوره تلتقط له أحلى الصور
وهنا يبغاها شريط
يبغاه للذكرى
وده كل ما شافه يفيق
وصل لكرسي كبيييييييييييير
ملون بأحلى الورود
بعيونه لمحت دمعه
وقفت على حيلي الكسير
وصرت اراقبه بصمت
يارب نظري يخون ولا فيني يحس
ودخلت المجنونه
كيف رضت تاخذ واحد وقبلها كان عاشق
وتمشي بشويش
والدلع فيها مصطنع
وبيدها باقه ورود
و ثوبها كله كريستال مشكوك
والكل يذكر الله على ملامحها
كذب انا لمحتها وبعيني شفتها
مافيها من الحلى ذره
وبدربها احلى وردود
وعلى ضوء الشموع
تمشي بشويش بشويش
وكلها خجل
وملامح مرسومه رسم
وتمسح دمعها وامسح معها احلى دموع
هي دموع فرح يمكن
انا دموع قهر وجرح
وصارت بجنبه وكلها خجل
قسم بالله يتعداها حلى
وطلعت برا صخب هالقاعه
بروح لغرفتي اشكي
مشيت وصرت بأخرها
امسح دمعتي و أتعذر بقوه الهوى
حسيت بلمسته على كفي
كنا بعدين عن البشر
ولا عين تراقبنا ابد
تبكين ؟!
مارديت ودي اجاوبه بس من اكون
قسم بالله يا رنا مجبور
ضحكت ومسحت دمعتي
مجبور الي اعرفه احنا ننجبر
الله يوفقك معاها وياعسى ولدك ليلة زفافه تكون من الحضور
ولا تخاف ولا تقلق علي
بسمي اول بنت رنا
لا لا خلك من اسمي انا
لاتعذب خاطرك كل مانديتها
وتذكر معانتي انا
اخاف يدور الدور
وبنت بحالي تكون
خلها وسمها فرح ياعسى عمرك فرح

وانتهى يوم العمر
كنت العروسه فيه بس قهر
من ضمن الحضور

الطفش ومايسوي