بسم الله الرحمن الرحيم
السلام عليكم جميع الأعضاء
والله اني مقهور عشان اول مشاركه لي في منتديات الكاسر جاء بعد هزيمة المنتخب
مشكورين على التغطيه الرائعه وحبيت اشاركم احزانكم
المنتخب والله ماظهر بأي مستوى وليته جلس في السعوديه ولا راح
بس المثل يقول الطقه اللي ماتذبحك تقويك وانشالله كل طقه بتعليمه الين ناصل لتصفيات كاس العالم ينهزمون بعشره بالوديات بس كاس العالم لا يفشلونا وانشالله المنتخب قدها وقدود مع الذيب سامي والكاسر ياسر والشهلوب والتمياط وسعد الحارثي مع انه نصراوي بس والله انه خساره على النصر هاللاعب
ومشالله على الأخطبوط الدعيع صراحه بيض الوجه بس ياناس لازم نعرف ان اللاعبين كرستيانو رونالدو وفيجو وديكو مهوب حمزه ادريس ولاالعلياني ولامادري مين ... ولا ننسى انهم لعبو في المانيا برد وجو غير اجوأنا في السعوديه
اللي حصل ان كرستيانو رونالدو فتح شوارع بالمنتشري وتكر يعينهم الله وفيجو سحب بأبو مسعد
والتشكيله مادري وش تبي سامي مهاجم ؟؟؟ المفروض سامي مهاجم مساعد خلف راس الحربه اللي المفروض انه يلعب القحطاني راس حربه وسامي خلفه وشفنا سامي شلون بدع بمبارأة الاهلي بالتمرير وصنع الأهداف مع ان الأهلي مهوب الرتغال (( وش جاب لجاب)) بس هذا موقع سامي الأصلي
على العموم اتمنى ان المنتخب ما تهزه الهزيمه هذي ويبيض الوجه بالمباريات الجايه وزي ماقلت ينهزم بعشره بالوديات بكيفه بس اهم شي كاس العالم تكفون ياعيال ابو متعب لا تفشلونا مثل ما فشلتونا بكاس كوريا واليابان
اسف على الأطاله ومشكوووووووووورين