•••
كلمات : فزّاع
ألحان : فايز السعيد
غناء :محمد عبدهـ واصاله نصري.
تفرقنا السنين ونجتمع والجرح نفس الجرح
على درب الفراق دموعنا تسبق خطاوينا
شرحت ظرفنا للوقت لكن ما فهم للشرح
صبرنا والصبر جمره ورا الأضلاع كاوينا
ترى وجه المتيم لو تبسم لا تحسبه مرح
امانيه اتهاوى من عيونه مثل أمانينا
بنى من ذكرياته في محيط العاطفه كم صرح
لكن هاج المحيط وما لقى له ساحل ومينا
يا ناس العيد ماله لون ولا له طعم ولا له فرح
وإذا قلتوا وش الأسباب قلت الله يعافينا
كلمات :مطلع الشمس
الحان:فايز السعيد
غناء: راشد الماجد وعبد المجيد عبد الله
ياصاحبي وش فيك قاعد لحالك
ليش انت متغير ومشغول بالك
صارحني قاسمني عناك وهمومك
ماطيق اشوفك متعب الهم حالك
ياصاحبي ضاقت علي الليالي
بالي شغل قلبي وفكري وبالي
خوفي اسولف واخسر انسان غالي
يا اخسرك او اخسر الي في بالك
حيرتني واحترت باللي تقوله
وان كان عندك سر بالله قوله
ما عاش من يخسر غلاك بسهوله
ولاعاش من يقطع من عمره وصالك
خايف اقول واصطدم احساس قلبك
واحد لعب بي بالغرام ولعب بك
هو حبني وانت تفكر يحبك
لاهو وفى لحبي ولا هو وفى لك
يعني انا وانت بها الحب ضعنا
واللي نحبه ياحسافه خدعنا
مثل غرامه واتقن الدور معنا
والغدر طال احساس قلبي وطالك
هذا اللذي هو صار بينك وبيني
واسهر عيونك في غرامه وعيني
كلمة احبك اللي تجيلك تجيني
والشوق نفس الشوق جاني وجاك
ياصاحبي مهما تكون الحقيقه
او تشتعل في القلب مية حريقة
انا من اللي صعب يخسر رفيقه
لأجل المحبه او ابدل بداله
وانا من اجل الحب ما اخسر رفيقي
ولا اغير عن طريقه طريقي واللي
والي جمعني معك حب حقيقي
لك ماتبي حتى حياتي فدالك..
•••