.
يحسبون ان عذابي يشابه لهم
يحسبون ان الحب كسرني
وغياب حبيبي الخاين بهذلني
يحسبون قصتي تشابه قصصهم
ايه تشابه
بـالغدر
تتشابه
بس من الخاين؟
هو انت يالبحر قد خنت؟
والا لبسوك ابشع جرايم؟
مثل ما حصل لي
ما صرت بس خاين
وغدار وغامض
تدري يالبحر وش فيني؟
فيني حكايات القهر
ما فيني حب
ولا حبيبٍ خاين
عندي هالدنيا بكبرها
كنها ملاجئ
كل ما لجئت لزاويه من زواياها
غدرت
تدري وش وجه الشبه بيني وبينك؟
الصمت
تدري كل ما خان صاحب
والا غدر بي قريب
والا جرحني انسان
اصمت
و اكمل الطريق
تدري لَنويت احكي شرقت
من غصتي
ولو غصيت وحكيت
قالوا كذابه
تدري وش صار اسمي بالحياة
يجمع معاني النفاق
يعني انا اخبي بداخلي كل انواع النفاق
يعني انا اظهر مشاعر مزيفه
يعني انا احب واحسن للناس
بمظهر يختلف عن داخلي
صار اسمي مزيف
منافقه - كذابه
وان نويت اصرخ بـ (افهموني) شرقت
يابحر كثيـــر اشبهك
ادري .. ما عندك لـ همي جواب
طيب باقي عندي سؤال
هو صحيح الغدر طبعك؟
الصحيح ان البحر صامت
مايرد على الي يسأله هالسؤال
يابحر كثير اشبهك
حتى بصمتك اشبهك
حتى لو اسألوني نفس السؤال
ابسوي مثلك
واصمت
واكمل الطريق
ويطول الصمت ..,
ابسكت يا بحر وامشي
واخلي ضيقتي فيني
.