عشقي تيماوي يعود اليكم من جديد مدخل قالت لكن اوعى تغار حولي العشاق كثار .. قلـــــت له بطلت خليني فــــــي البيـــــــت كيف المدخل بس بالله تلقون انهزاميه اكثر من كذا خلونا من سالفة الردين اللي فوق صراحه اللي كاتبها مادري وش يبي >> تبرأ من نفسه قليل الخاتمه بس انا ابقولكم شئ عن قولة ماعلمنا وعشان نصفي النيه مع بعض ترى انا كل ثلاث شهور تجيني موجة حب واصير ياشيخ زي ذاك اللي ماسك ورده وبالزاويه يقول تحبني ماتحبني تحبني ماتحبني خلونا من الورده وقوه نشوف ملحقنا صدق اننا فاقدين ابو خلود وانه تارك مكان فارغ كبير ماقدر احد يملاهـ على اعتبار ان راسه كبير ياحبيلوه ولكن كان معنا قلبا وقالبا لانكاد نرى شيئا كبيرا الا وقلنا انه راس خالد ياجماعه رأس خالد موجود بكل مكان عفوا لاتوجد صوره لان البلوتوث حق الجهاز خربان ولكن اوعدكم اني باجيب لكم صوره قريبا تقولون لي طيب والاجهزه اللي مسدحات عندك اقولكم مالك دخل اصلا الشرهه علي انا اللي عودتكم على التصوير المفروض ورده وقلب وفيس حزين زي المدونات الثانيات وتخب عليكم هالملحق ياحبابي يجمع ناس رهيبييين ناس كل همهم الضحك والوناسه قلوبهم صافيه كل شخص اللي بمخباته شئ يعتبر ليس من املاكه لايوجد بينهم اسرار حياتهم عفويه لدرجه لاتتصورونها اجهزتهم مبعثره جوالتهم مرميه اي واحد يرد على اي جوال ويكلم اهل الثاني بكل اريحيه ويقول لهم ولدكم يلعب ولدكم طالع ولدكم نايم تكرشه ام الولد طيب وانت وشوله راد مسوي فيها تمون هو يبلعها بمضض ويضحك ضحكه خفيفه يعنني ماسمع شئ ويسكر زلايب افراد ملحقنا زلايب اي شخص يحس بالتعب مخدته موجوده ومكتوب عليها اسمه بقلم ازرق ناشف ( مخدة ابو راس >> لاعبتن فيها عوامل التعريه لعب - مخدة البيره >> ومكتوب تحتها المخده هذي للاستخدام الشخصي فقط - مخدة اشكيلي واشكيلك >> هذي تشتهر بكثرة السعابيل - مخده سبيل >> هذي لاي واحد يجي جديد وبدون سابق انذار ) يومنا غير روتيني اطلاقا مره نلعب سوني ومره فيديو ومره افلام ومره كيرم ومره نت وان طفشنا طلعنا للمسطحات الخظراء او نلعب طائره اذا كان الجو حار رحنا نسبح مانخلي مطعم مانتعشى منه واذا طفرنا نجيب عزبتنا ونطبخ العشاء نقرب الشوايه ونشتري كباب ونسوي فيها اننا شوام هذا مايحدث يوميا بملحقنا العزيز فلترفعوا له القبعه تعظيما واجلال وعرفانا ايها الناس ايها الجمع الغفير ....>> حشاا الخميني ذا ماعاد هو ملحق مخرج قالت اسمع مني وروح ... واللي بدو يصير يصير عشقي تيماوي - المملكه العربيه السعوديه - الملحق تيه نيه لكم