من جورج تاون لـ منتدى النظم ..
مساءكم عطر
احبتي مرتع النبض والشعر تحت زخات المطر وفي ابراج ماليزيا
كتبت ذلك عرفانا لوجداني وامتنانأ لمتذوقي ابيات باريس او ناصر كما تحبون
لكم مني وعذرأ لعله يشفع عن الغياب:
نـاديت بك صوتن تعدى السحاب ..
يدعيك ياخلي ...وليتك تلـبي
أسمعت به بروق ورعود وشهاب ..
ياصاين العهد شف حالي وإتعبي؟
صوتي يسهب لك مواويله إسهاب ..
من غيرك علي يآمر وألبـي
رميتني واشهد ان القلب منصاب ...
لشوفتك انا بس هذا اللي أبي
عديت بك روس النايفات مرقاب ...
مرقاب عشاق يلهبي إلهبي
بـستسمح الحر ! والعلم لـ عقاب ....
وكر الوليف هنا هذا مطلبي
دلني ياطبيب الهوى وش الاسباب ...
وش علتي دام الزين هو إسببي
أشكي على الله منشي السحاب..
يرد الغضي لو آجيه لحده حبي
لـيته درى بشوقي والشوق غلاب ..
أذكر كلمته (نصـور وش تبي )؟
لـيته يحس فيني بس سيد الاحباب ...
دام هو عارفن إسمـي وإنــسبي
هـيه ياناس هذي فلسفة مو عتاب ...
بدري أطيـح لبنت لو أحلق إشنبي
الأحرف باللون الاحمر إجمعوها عموديا سيظهر إسمي:
ناصر عبدالله
اتمنى ان ترتقي لـ ذائقتكم
حررت في فندق صن واي بـ جورج تاون
فجر السبت 27/7/2009
الـ 5 فجـرأ
اخوكم ناصر بن عبدالله القحطاني .
--
التعديل الأخير تم بواسطة [..بـــاريـــس..] ; 27-07-2009 الساعة 05:18 AM
|