بــاك .. عبدالله بن مســاعد .. هذا أنجح رجل من رجالات الهلال أن ماكان هو الأنجح والأفضل على الأطلاق .. يشتغل بقلب وذمه وضمير .. يعني تخيل يدافع عن حقوق النادي ويكلم ويتجاوب ويتصرف ويوقع عقود ويتكلف بمهام الشركات الراعيه وعقود اللاعبين والمفاوضات .. وتخيل أنه بكل هذي الأمور ينجح فيها وينجح الهلال معاه .. قسم بالله أنه يشكل 50% أو أكثر من عمل الادارات الهلاليه اللي يعمل معاها .. اذا جيت للأعبين وعقود تلقاه هو المسؤول وهو الناجح , اذا جيت لشركات راعيه تلقاه هو المسؤول وهو الناجح , اذا جيت لمفاوضات ومبالغ تلقاه هو المسؤول وهو الناجح .. ماشاء الله تبارك الله رجل يجبرك فعلاً تحترم عمله سواء هلالي أو مب هلالي .. وبرضو رجل صريح جداً .. مايهمه شيء ويطلع يتكلم عكس أخوه عبدالرحمن اللي يأخذه الحياء بعض الأحيان .. عبدالله صريح جداً قوي في رأيه .. أتذكر لما موضوع كوزمين أثير طلع وتداخل يمكن نص ساعه وتكلم فيها بجرأه جعلت الصحافه بعدين تقول أن المكالمه ذيك يمكن هي سبب طرد كوزمين .. قال اللي بقلب كل هلالي .. وتحدث بصراحه وواقعيه عن الأضرار اللي بتصير للنادي من وراء قرار الأتحاد السعودي .. حتى بعد طرد كوزمين طلع وتكلم مع مصطفى الأغا وبرضو في عقد أسامه هوساوي والمحياني طلع وتكلم بجرأه وحط الأمور في نصابها الصحيح .. عبدالله بن مســاعد .. لي أمنيه أتمنى أنها تحقق في أقرب وقت ممكن ان شاء الله عقب رئاسه ابوفيصل ان ابوعبدالرحمن هو اللي يمسك رئاسه النادي لمده طويله وأتهنى في فكره وأدارته للنادي .. لي تعليق بس على تعليقه على صفقه حسين عبدالغني لما قال من حسن أسلام المرء تركه مالا يعنيه : وين أنتم تسمعون يالملاقيف .. يحلمون أجل .. الله يكملك بعقلك يابوعبدالرحمن ويعطيك على قد نيتك البيضاء يارجل .. على قد ماحبك بقلبي ساكن على قد ماأفتخر فيك أنك رجل سعودي بهذا الفكر قبل تكون هلالي .. لاهنت على النقل .. اي شيء يخص عبدالله هاتوه .. بطل يابعدي ..