في مكان كل مافيه قال آه
وسط الألم وفجر يغطيه القهر
وصوت طفل بأخر الممر توه مولود
مايدري الدنيا وش تبي فيه
طفل وتوه مايعرف في هالدنيا إلا أمه
ولا يعرف همه
يصحيني وسط الألم
" رنو اسمعيني قبل الفجر "
بذمتك غمضي عيونك وقولي لي وش قدامك
قدامي سواد وفيــ ؟
طار في رده
سواد صح سواد
....... : بس أنا ماكملت ردي
المهم سواد
شفتي حالتي في غيابك مثل هالسواد
كذاب فيه نقطه وسط السواد
لونها ابيض
بذمتك كيف تنكرها
خلني أكملها
شفت البياض لاغبت عني بكبره وبخلي
حياتي بياض
يعني غيابك ماهز فيني إلا سكوتي
حبيبي أنا بكره يمكن أموت
الساعة تسع بدخل حياتي الجديدة
بذمتك كون حولي
وسمعني صوتك من وراء ألف باب
وكاتبين على باب العناية
" منطقه لا يدخلها إلا العاملين "
بدخلها حبيبي ويمكن في بياض السرير يخلونه كفني
وبعدها يغيب صوتي
ولا عاد تسمع بطفلتك
....... : حبيبتي ليش عكرتي المزاج
الله ياخذ عمري قبلك
وسكت وطول سكوته
حبيبي ليش قطعت صوتك تراه لي علاج
لا بس أفكر إذا مت تحبين غيري
أممممممممم عسى يضمني قبري قبل مايضمك همي
حبيبي لا وربي إلي اطلبه كل ليله واسجد له
أني مأحب غيرك
حبيبي إذا مت بكره وسمعت صرخة أمي وهي تحسر على شبابي ماتهنيت فيه
وسمعت ابوي وهو يناديني وحالته صار مجنون
وسمعت فراس يناديني بذمتكم رجعوا وحيدتي وعمري لها فدوه
همهم كيف بيوقفون وياخذون التعازي
خلك عند أبوي وضمه وقل له أن الموت مايهز إلا " الرخوم "
ادري أن الموت بيهزه بس كذب عليه يمكن يهون حزنه
ادري أن الموت بيهز أمير القوم ادري
ورح لفراس وتذكر انه وحيدي وحبيبي واخوي
ضمه لصدرك بقووووووه
تراه متعود على ضمة واحد(ن) غيري
تراه رجال وكبييييييييير بس حزنه على موتي خله ولده خمس سنين
بذمتك وحيدي صر له اخو
وأمي أرسل لها أمك
بس المهم شيل همها عنها
تراها ماتعرف تشيل همها لحالها
تعودت علي لا مريتها شلت همها
طفله تراها ادري إنها بتبكيك لان كلامها بيأثر عليك
لاقلت أني لها وحيده في هالكون
بذمتك لاتقصر معاها
وعوض غيابي
وأصدقائك بيلتمون حولك
وكلهم بيضربون صدورهم ويقولون حنا لهمك وطن
بس بذمتك لحد يشيل هم موتي ألا صدرك
حبيبتي بذمتك ناويه تقصرين طريقي للموت
حبيبتي لاعشقت بعشق ترابك وبس
ياخساره هالبراءة
وقلب مل من جراحه
طفله وشفت قلبه شي كبير
وغصت فيه ومانقذني إلا صوت
طفل رضيع
لما قطع دعاءه كان يخطط
بعد موتي يحب مين
شفتوا هانذاله
و ياخساره اسم رجال
ورب البيت ان مافيك من الرجولة إلا اسم
وياخساره هالاسم
وينك الساعه 9 لما ناديت في براءة وقلت بذمتك لي هاتوه
16-07-2009
ياقسااااااااااااااااااااااوته جد بالحيل قاسي
دلني الموت فيه وقصر دروبي
العب ورب البيت كان مافيني عادي
مافيني إلا كابوس من شهر يلاحقني
وإذا تعبت منه
صديت وقلت بسم الله الف مره
اصحى من النوم واطيييييير لأهلي خايفه الموت يسرقني
وأنا بغرفتي وحيده
ويسمي على
وهذا يقراء القرآن
وهذا يضمني ويقول يا حلاتك وأنتي خايفه
حسية الموت قرب
ونغزه بقلبي حييييل تعورني
حسية بالموت من حياتي يقرب
شايله هم
لا كبر اخوي وصار معرس
من بيرقص بعرسه ويشيل همه
ويصير لعياله عمه
كيف أمي بتمر على غرفتي كل صباح
وتناظرني في خجل
وتدفيني وتوصي علي وتروح على هذي الاريكه
تكتب عن حلمها البارح
كيف أبوي يصبر على بعادي
وهو حلمه يشوف عيالي
من يعوضه والأمل بأخت جديدة أشبه بالاستحالة
هو موتي بيهزهم كيف بيخلوني بقبري وحيده
يكسرني الشوق وارجع أضمه
يمرني طيفهم وأتحسر عليهم
قسم بالله حالي كسيفه
ماتسره وهو أشبه بالمسجون
وتصير حالتي بالمسن
قلب جرحته تراها اليوم مدفون
ويكتبون و يكتبون ولا يلاقون غير رد الخسارة
بذمتك لا توقف بصف المعزين
تراني مأحبك
ولا تعذب خاطرك وتبكي ودموعك كذابة
شكرا لأناس هنا
شكراً بحجم انبعاث الأمل بداخل روحي
شكرأً لحجم الأم احتوت روحي
شكرً بحجم فرحتي لعودتي للحياه
لمن واصلوني ووصلوني بالخاص أو المسن
او عن طريق مدونتي هنا
أو حتى عن طريق العضوات
لا أذاقكم الله هماً ولا ألما
دمتم بود
