عشقي تيماوي يعود اليكم من جديد مدخل على طاري الفرح نحكي ... حكاية فرحنا الليله مقدمه بعدما تعرفتوا علي هأنا اباخذكم بجوله في حياتي الشخصيه والجوله سوف تكون بالمطبخ نعم هذا انا اضرب لكم مثالا للتواضع السالفه ومافيها اننا بصيفيه والملحق مليان ناس تطلع وناس تدخل وطالع كأنه مزار السيده زينب عند اخواننا الشيعه وملينا من اكل المطاعم ومن اكل البيت ومن اكل المقالب اكل المقالب عاد هذي اشهر وجبه عندنا مابقى احد ماكلناه مقالب هذي صوره ضوئيه لملحقنا وحنا ناكل شابوره وشاهي ملاحظه : هالشخص اللي نايم يعتبر ولد خالة احد الاعضاء هنا والباقين بما فيهم محدثكم ماقدروا ينامون من صوت شخيره المهم وانا اترجل واقولهم ياشعبي الكريم ابطبخ لكم حلى ..>> اجل شعبي الكريم وهم اللي يطلقون صافرات الاستهجان والاووات مستهينين بقدراتي عيال الإيييه قوهـ نشوف وش الطبخ بالخطوات وبالتفصيل الممل انا اصلا يوم جيت ابروح للمطبخ مادليته الا بالتوصيف حتى اخوي وهو يوصف لي يقولي ياغبي ذاك اللي بابه دايم مقفل وماله عروه من برى >> كاسرين العروه عشان مايدخلون البزارين والباب يفتح بملعقه انا مادري وش اطبخ قلت ابدخل الخزانه واول شئ القاه باطبخه لهم واتفاجأ بكرتون جبن لبشكري وتذكرت هذاك اللي يقول لبشكري لبشكري جبن مخمج خبز معفن لاتشتري >> وانا اقول لا ماله داعي نوهقهم بشئ ماهب زين وهــــانا افسر عن ساعدي واقرأ الفاتحه وماتيسر من كتاب الطبخ حتى فتح الله علي مقادير ياقلب العنا .. مقادير وش ذنبي انا ( علبة بف باستري - كاسة حليب سائل - 3\4 بيالة سكر - بيضه - 2ملعقة طعام نشا ) :: :: :: خطوهـ بـ خطوهـ نحو الطبخهـ عاد اذا انتم طبقتوا الخطوات بالضبط صدقوني تسيرون احسن طباخين بالدنيا ترى انا اول مثلكم ماعرف شئ وعقب صارو يسموني ملك المطابخ >> ماصل المهم اكيد انكم الحين جوعانيين ووكم تشوفون النتيجه :: :: :: الطبـــــــــــــــق تيماوياتي ** المراندا الفراوله لقيته بالثلاجه وقلت احطه بالصوره كنوع من الحس الفني انتم كلوها مع القهوه او الشاهي ** استغرق العمل مدة 20 دقيقه والمكان بمطبخ بيتنا ** وانا قاعد اصلح دخلت علي امي ومن الفرحه انه شافتن بالمطبخ فصخت فنيلتها وقعدت تدور بالبيت واخوي الصغير جاء لمي يركض وسوا لي حركه غير اخلاقيه وخمني ** البف باستر صراحه اسمه يصلح مجمع تجاري بس هذي الدنيا دائم تظلم الناس الطيبين ** وأنا اطبخ كنت مشغل المسجل على ( على مودكـ انت وبس .. اسهرواتنم والبس ) وهذا هو سر السلطنه والرواقه على الرد ** الطبخه بشرحها بالصور من العضوه هلالييه تيماويه عافها الله ** اول مادخلت القسم تنحنحت عشاني خابر ان كل القسم بنات عاد وشلون وانا داخل المطبخ بكبره ** ان هذا العضو ليس بكامل قوهـ العقليه اطلاقا مخرج على دلعونه وعلى دلعونه ... راحوا الحبائب ماودعونا تيه نيه لكم عشقي تيماوي - المملكه العربيه السعوديه - الملحق