لاعاد هالقناة خساره فيها نطق أسمها وش ذا كلها عيوب ما أفكر أحط عليها الا وقت صلاة العشاء والمغرب مسلسلاتهم ثلاث أرباعها محذوفه حتى لو مشهد عادي يختصرون أبو المسلسل أمس شفت مسلسل البارونات فيها وجلسة أتابعه والله عبالي يسون أعلان عن المسلسل ما امداه يبدا الا وينتهي يخلونهم على مسلسلاتهم السعوديه أبرك والمذيعيين والمذيعات مدري هم يقدمون والا يستهبلون قسم بالله فيه مذيعه تتكلم مصري وشكلها أجنبي تقول أنها من القصيم والثانيه جالسه معها وتأ يدها وتقول أنا من نجد والأخت من الأردن وكله كوم وشريط الأخبار اللي يحطونه حتى بنشرة الأخبار كوم ثاني لا وما خذ نص الشاشه على بالهم العربيه لا والون الأحمر والأسود اللي أحاطينه والله يسد نفس مافي هالقناة حسنه تنطق حتى الصلاة يخفضون الصوت ويعلونه شكيت عبالي من عندي وأرفع للأخير وبس تخلص الصلاة الا والصوت موصل للحاره كلها لو يقفلونها أحسن بدل الفشله منها ..