بحكم أني بطل الموسم الماضي .. كلكم بحاجـة لخبرتي باللعبة هذي .. <-- معليش تحملوني .. لازم أهايط عليكم .. أولاً : باب التغيرات التغيرات الان معاكم مفتوحـة لين بداية الدوري .. يعني لو تبي تبديل الفريق كله عادي ماراح يضر .. لكن لو بدأ الدوري خلاص حبيبي .. انتهى وقت اللعب وبدأ الجد .. طبعاً معاك في كل جولة تبديل واحد مجاني .. لازم تستخدمه يعني لا تحسبه راح يبقى معك ..! مثلاً الحين مرت 4 جولات .. وانت ما بدلت ولا تبديل .. لا تحسب بتكون معك 4 تبديلات مجانية ...! الزبدة / كل جولة معاك تبديل واحد مجاني .. وأي تبديل زيادة راح يخصم منك 4 نقاط ..! فيه خاصية حلوة بالتبديلات اللي هي " Wild Card " هذه تستخدمه مرة وحدة بس طوال الموسم .. ومتى ما أستخدمة خلاص تروح عليك ! طبعاً انصحكم ما تستخدمونها ألا إذا انتصف الموسم .. يعني إذا بدت مرحلة الاياب .. أو إذا كان فريقك ميوؤس منه تمام .. أستخدمها .. طيب وش هي هالخاصية ؟ هالخاصية تسمح لك تبدل فريقك كامل بدون ما يخصم عليك أي نقطة .! طيب من وين تبدل .. ؟ فيه على القائمة اللي على اليسار كلمة " Transfers " .. منها تبدل .. ثانياً : باب كيف اختار فريقي .. أ ) الحراس 10 - 11 مليون خذ لك فيها حارس من البيغ فور أياً كان ( فان در سار & تشيك & رينا & المونيا ) .. والحارس الاحتياطي خذ لك حارس معقول ( هارت حق بيرمنجهام & جرين حق ويست هام & شوارزر حق فولهام ) .. أهم شيء ما يتعدون الـ 11 مليون .. ب ) الدفاع 30 - 35 مليون 1 ) مدافـع أحتياطي تسليك يكون سعره 4 مليون . 2 ) قلب دفاع بطل يكون من البيغ فور ( فيديش & ريو & تيري & أليكس & إلخ ) . 3 ) قلب دفاع من الاندية المتوسطة ( توتنهام & فولهام & مان سيتي & إيفرتون ) . 4 ) ظهير . 5 ) ظهير . جـ ) الوسط 40 مليون 1 ) لاعب سوبر ستار .. يعني أي لاعب تشلساوي خخخخخخخخ . بالعربي واحد سعره فوق الـ 10 مليون .! 2 ) صانع ألعاب . 3 ) جناح . 4 ) جناح . 5 ) لاعب تسليك .. يكون سعره 4,5 مليون . د ) الهجوم 20 مليون 1 ) مهاجم سوبر ستار . 2 ) مهاجم بطل من اندية الوسط . 3 ) مهاجم إحتياط عادي . هذه تشكيلة تقريباً متوازنة .. وعاد كلن على راحته .. واللي يعجبه .. موفقين جميع ..