.. * وددت لو تحدثنا عن تجربتك في برنامج شاعر المليون و ماذا اضافتك لك و ماهي مشاريعك المقبله ؟! تجربتي في شاعر المليون اضافتي لي الشيء الكثير فـ هناك تجمع ثقافي جميل من جميع الاقطار والدول مما يضفي على تجربة الشاعر الشيء الكثير فـ انا بعد البرنامج الاحظ التغير الكبير في طريقة كتابتي وتناولي للقصيده بالنسبة لمشاريعي المقبلة قصيدتان مصوره على طريقة الفيديو كليب والعديد من الامسيات القادمه خلال هذه السنه ان شاء الله . * هـل أنــت راضي بـ مركزك " الخآمس " في شآعر المليون , وهل كنت تتوقع غير ذلك !؟ وجودي في المراكز الاولى من 16000 يكفيني ويغنيني كل الزملاء الذين كانوا متواجدين كانوا جديرين بما فيهم انا بـ اخذ البيرق واخذه من يستحقه . * يمكن بعض النـاس ما كــانت تعرفك يا فهـد , هل شاعر المليون اظهرك على الساحه الشعريه بشكل كامل واعـطـاك ما كنت تتمنــاه من الشهره !؟ نعم والدليل وجودي بينكم * هل القنـوات الشعريه سووت لقاءات مـع فهد بعد شآعر المليون , وعدد أسماء القنوات الله لايهينك , ! الى وقت كتابة هذا اللقاء ، هذا اول لقاء لي الكتروني بعد شاعر المليون ويستاهلون منتديات القناص * فهد الشهراني عرفت انك نصراوي الميول الى اين وصل نادي النصر بنظرك .. ؟! انا اميل للنصر صحيح ولكن لايمنع ان اعشق اللعب الجميل والنظيف في جميع اندية المملكه العربيه السعوديه بمافيه نادي الهلال والنصر نادي له انجازاته ولكن يمر بظروف نتمنى ان تزول في المستقبل * وهل انت راضي على التشكيل الاداري في النصر ؟ التشكيل الاداري الجديد جميل جدا وان شاء الله انهم يرجعون النصر لما كان عليه سابقاً * وماذا ينقص النصر بوجهة نظرك ؟! ينقصه الحظ ! * نعرف إن لـ كل شاعر قدوه " في الشعر طبعاً " , من قدوة فـهـد و الي دايم يتطلع إنه يكون مثله . ؟ قدوتي في الشعر فهد الشهراني واتطلع ان يوصل فهد الشهراني الى طموح فهد الشهراني * " بن ثآيب " .. أسطورة شعر العرضه الجنوبيه قـدّم لـك " عقـآله " في أحد الحفلات , وش يعني لك هـ الشي .؟ هذا الشي يعني لي الشي الكبير والكثير فهذا رمز من رموز الشعر في الخليج والذي للأسف لم يأخذ حقه اعلامياً . ! * قليل ما نشوف أمسيـآت لـك , تجـآهل من الإعـلام أو رغبـه شخصيّـه منك . ؟ بالعكس انا متواجد وامسياتي كثيرة في الثلاث السنوات الماضيه اقمت اكثر من 8 امسيات وهذا يعتبر عدد كبير من الامسيات وان شاء سوف ترون الافضل * بما أنك جربت شعر النظم وشعر العرضة .. أين تجد نفسك أكثر ؟؟؟ اجد نفسي في النظم اكثر * سؤال أو طلب أتمنى أن يصدر لك ديوان صوتي .. يتضمن قصايدك الجميلة وشيلاتك ؟؟ بإذن الله في القريب * فيه قصيده اشتهرت كثير الايام الاخيرة ( ياشيخ جارالله وش حدك على نجد الاقصى ) تكفى نبي نسمعها بصوتك ؟! بإذن الله اني اقابلك وتسمعها من راسي لراسك * وش اللي تغيّر في فهد الشهراني بعد شاعر المليون ؟ ماتغير ولاشي فهد الشهراني بعد البرنامج هو نفسه قبل البرنامج والشي الوحيد اللي تغير هو اني كسبت قلوب الملايين * الحركه الشعريه في الجنوب ، لين متى وهي ميته ويقتصر سماع الشعر الشعبي عندنا في العرضات ؟؟ هي ميته حتى يحيا الاعلام . * بكل صراحة وش استفدت من شاعر المليون من الناحية الشعرية ؟؟ هل زادت الحس الشعري ؟ نعم زاد الحس الشعري وذالك بـ التقاء الثقافات . * وش شعورك وانت بين جمهور القناص ؟؟ وكلهم يقولون لك ارحب وبيض الله وجهك ؟؟ شعوري شعور جميل ولولا حبي لـ ابو سعيد وحبكم ماكان هذا اول لقاء الكتروني لي و معكم * بعد الشهرة , هل ستكتب للشعر ام للناس ؟! اكتب للشعر و للناس . * ما رايك بالشاعر زياد بن حجاب وهل كان يستحق البيرق ؟ زياد بن حجاب من بيت شعر وابوه حجاب بن نحيت مدرسة شعرية لايجهلها احد ويستاهل ابو حجاب * الشاعر زياد حجاب يعشق الهلال ويحب سامي الجابر وطارق التايب .... وانت من تحب من لاعبي السعودية ؟؟ الجميع كل من يلعب بصفاء ونقاء وفن و وطنية اعشق لعبه وهم كثيرين وما اقدر اعددهم . * مارايك بالشاعره عيده ؟؟ وهل تؤيد مشاركة النساء السعوديات في المسابقات الشعريه؟؟ الشاعره عيده افضل شاعره من الشاعرات من وجهة نظري في العصر الحديث إذا كانوا مثل الأخت عيده فالله يزيد ويبارك * لو نـرجع للذآكـره ورى شـوي مآ رأيك بـ الشآعرين ( خليل الشبرمي - نآصر الفرآعنه ) ؟ كلهم كفووو * ماذا يعني لك أسم البندري ؟! اسم جميل ولكن لايعني لي شيء . * متى بدأت تكتب الشعر ؟ ومن يعجبك من الشعراء ؟ بدأت اكتب الشعر من اكثر من 10 سنوات تقريبا وانا مازلت طالباً في المرحلة المتوسطة .. الشعراء / كثير اللي يعجبوني واخاف اني انسى احد ! * كيف طرأت عليك فكره المشاركه في شاعر المليون ..؟ وهل تلقيت التأييد من الجميع ؟ فكرة المشاركه بمحو الصدفه كانت هنا بعض المعارضه لكن بعد المشاركه أيدوني جميعا * هل كان هناك أحد تكهن في حياتك بأنك ستكون يوما ما .. شاعراً ؟ ماكان هناك تكهن في الشعر ولكن كان هناك روىء للوالده الله يحفظها بأنني سأصبح مشهور يوما ما * وش أخبار مشعل بعد مشاركته بشاعر المليون وخصوصاً وجوده ضمن المراكز الأولى ؟ مشعل بخير وصحه وعافيه ويسلم عليكم * عندي طلب إذآ مآ عليك أمر بيت شعر بإسم لـولـو ؟ كل القصايد تباهى فيك يالولو = والبيت هذا هديه فيك سميته * هل ترى ان البرنامج اعطى فهد حقه ؟ اي انصفه ولم يميز غيره عليه ؟ نعم البرنامج اعطى فهد حقه والدليل تواجدي بينكم .. :