مابقى .. مع صوتها شاعر كسول
من عرفت الشعر .. ماوقفت ابد
واسألوا صبح الأحد
مع بداية مشهدٍ لو ينتهي .. رحت انتهي
ذآك .. تكفى ياقمر وش ماتقول
مشهدٍ فات البلد
غن لي .. وليا انتهيت ابنصفك
يادفاا صوتك ولكن .. منت هي !!
, , ,
ياقمر يالله معاي .. ارسم اللي بكتبه
غابةٍ تشبه عناي .. والعمر لاينتبه
جيتها شايل ظماي .. صوتها قبل اشربه
ياقمر .. ماذا عساي؟! .. لو سمعته مت به
تدري؟ ارسم لي خطاي .. يوم ادور له شبه
, , ,
صوتها .. روح المدينه
والهوا .. صبحٍ يمرك ماتعرفه
تدري انك ماسك الورده .. وسآرح
في رصيفٍ ممتلي منها مسارح
كل ماتطري لك اول مسرحية
صوتها يفرض حنينه ..
والهوا .. شوق المسا للي تعرفه
ليلة البارح قضت .. والصوت بارح
, , ,
صوتها .. مد النظر شواهقه
صادقه .. مامت منّه لا حشا
والقمر سولفت له طق ومشى
قلت له :
لاصرت رايح .. واعترض لك صوتها
جا يشوف اللي من اسبابه غشا
قد ماتقدر تخيلني يديك .. وعآنقه
وسلامة قلوبكم