.
هل السعوديون متذمرون ....؟!!
السعوديون متذمرون ولا أجرد نفسي من هذه الصفه
يعني مثلا وحده تسألها كيفك اليوم ترد عليك ماشي الحال مافيه اصلا فرق بين امس واليوم
أقولها طيب ! المفروض تقولين الحمدالله موب طفشانه قالت ليه مااطفش كل يوم نفس النظام مافيه شي جديد مافي اكشن
وش الي أكشن وش تبين يعني 
يعني اذ الواحد عايش بأمان وهو وأهله بصحه وعافيه ليه الواحد يتذمر ليه يقول ياربييييه طفشان
مافي احد رايق اكيد بس اهم شي انو لاتتذمر لاتقول انا فيني وانا فيني ( ربما كلمه أزالت نعمه )
اذ حسيت بملل رح أستغفر الف مره رح أقرى سورة البقره منيب اقولكم هالشي كذا بس
لا والله أقولكم لأني فعلا جربت انها دواء رائع جدا لداء الطفش والملل
اصلا اذ بديت يومك بكذا اتحداك ماتحس براحه وانشراح صدر 
السعوديين يهتمون بفنانين مايستاهلون ذا الكم الهائل من الأهتمام ..... !
الأحظ أنهم يوزعون مشاعرهم على اللي يسوى واللي مايسوى ...!
انا قضت مشاعري مره زحمه ماعاد اقدر اوزع اصلا 
من جددد مدري وش لاقين فيهم يعني اذ فيكم وحده باول مراهقتها وودها تعجب باحد
تسوي مثلي كنت أول مراهقتي معجبه بخالد التيماوي 
مشكلتي انى ماكملت سنه الا اعلن اعتزاله 
ومن يومها بطلت اعجب بأى احد 
روحوا لمشاهير هوليود ..... هذولي صدق ... نجوم الفن وأصحاب الشهره الحقيقيه..... ؟!
والله لا مشاهير العرب ولا الغرب مناب رايحين لاحد ماعدا ابو نوره ورابح صقر
أيييه اناظر لهم واسمع لهم بس أنى أقعد أطاردهم واشقي عمري بأخر أخبارهم معصي والله
سـ/ وش رايكم بالحفلات تويدونها ولا ؟
الحفل التنكري احسه عادي اذ مافيه تقليد يعني احنا بعد سوينا حفل قبل كم اسبوع
بس انو كان حفل تنكري بطابع سعودي يعني مافيه تشبه بالغرب
يعني كل عائله تلبس لبس معين اللي شعبي وهندي وصعيدي مع أكلاتهم طبعا اهم شي
كنوع من انواع كسر الروتين فقط لاغير واذكر انها طلعت حلوه مره كان فيها ضحك وسعة صدر 
ترا الغرب مو نافعينا دايم ..!! نحتاج إلى أن نعتمد على أنفسنا .....!!
الغرب اهم شي عندهم ان لايسجل التاريخ اى انجاز او اختراع لاي عربي 
ماننكر أن أحنا اغلب التكنولوجيا والتطورات اللي نعيش فيها كانت من صنعهم او على اقل تقدير من افكارهم
ولانقدر نهمش دورهم المهم بس علينا الحذر منهم
قلب اليهودي وان تبسم أشد سواد من الليل ( كفنا الله وأياكم شرهم وأعطنا خيرهم )
بحكي لكم قصة شخص اعرفه واحد قريب لي موب احد حكى لي عنه ولا قصه قريتها
لا انا اعرفه واعرف اهله راح امريكا لدراسه طبعا
وكان متوفق جداا وملتزم ماشاء الله ماكمل نصف سنه إلا رجعـوه السفار لسعوديه
قالو هذا قدراته العقليه لاتسمح له بالدراسه ( حسبي الله عليهم )
الحين تشرهون على عقله يعني ما يروح ويجي لحاله وممكن يطلع في الشارع فجأه كذا
ولايقدر يعتمد على نفسه حتى كلامه صار كنه بزر الله يشفيه يارب
وماخفي في أمريكا كان أعظم
وجدان أختاري يالقلب يالورده 
مشاعري محدوده
.