السلام عليكم كيفكم أخباركم؟ من زمان عنكم ووحشتوني<<باين وحبيت انزل لكم صور بسيطة من تصويري ولكن هالمرررره غيــــــــر لأن الصور تختلف ومكانها يختلف وضعها عن كل تصويري السابق وهي صور من فوق السحااااب كنتو متعودين مني على صور من الأرض بس هذي المره فوق السحاب كانت الطيارة على ارتفاع 34 الف قدم ودرجة الحراره 48 تحت الصفر وسواق الطياره حربي بعد وانا كنت آخر راكب في الطيارة يوم دخلت ولا كل واحد أخذ مكانه وأنثبر وانا كنت حاسب اني أدخل الأول وأحجز جنب الشباك<<ليه فصل مدرسة تحجز بس الحمد لله ربي وفقني وصار مكاني عند الشباك والا بتضارب مع سواق طيارتنا <<<متعود على السيارات عشان كذا يقول سواق ومن حسن حظي جات حرمة مكاني وخلوني أروح عند جناح الطياره وهو المكان اللي كنت أبغاه ومن الطرائف في الذهاب والإياب كلها اللي يكون جنبي شياب لكن الشايب الثاني جلس يمدحني لأني مهتم بالتصوير يقولي حنا يالعرب مانهتم بالتصوير والصور وهي شي حلو وجلس يتفلسف بس أعجبني كلامه حلو وطبعا هو كان جاي يحظر زواج في المدينة والزواج بقاعة الليلك ووصفتها له وبس ويالله نبدأ هالرحلة معكم ياحلوين بعد مافطرت في المطار قلت أخذلي لفه وأطقطق شوي الطيارات جاهزة لتحميل الركاب ونلاحظ في آخر الصورة الطيار اللي لونها أزرق وأبيض وهي طيارة سما وهذي بنت عمها ناس أول ماتحركت الطيارة وانا عند الجناح طياره هندية بصراحه كشخه وكبيره بقوووووووه الحين فوق سماء الرياض رايحين لديرتنا المدينة المنورة تونا طايرين صوره تبين منظر السحاب السحاب مسوي طبقة ومن حظي كانت الدنيا كلها سحب وغيوم لأنها لحظة كنت أنتظرها من زمااان وكنت أحسد اللي اشوفه مصور صور مثلها والحمد لله تحققت أمنيتي تخيلوا وين الأرض الحين هههههههههههههه السحب كأنها جبال من جليد سبحان الله منظر عجيب الحين حنا داخل السحاب وماتشوف شي مع الشباك والطيارة تلعب يمين ويسار من قوة الهوا وبصراحه تخوف الحين وضحت الأرض شوي طبعا قريب مدينتي الحبيبة هذي بداية أطراف المدينة نلاحظ الأرض سوداء كلها هذي يقالها الحره بتشديد الراء وهي اللي كان فيها بركان أو نار قبل عهد الرسول وهي كبيره بشكل خيالي وفي اغلب المنطقة الغربية قربنا شوي من الأرض منظر خيالي الطيارة تلف يمين ويسار وانا ماسك الكمره وناسي الدنيا لاحظوا كبر المنطقة السوداء الحين الطياره مايله جهتي وكأنها بتطيح بس مافيه فكه بصور يعني أصور هههههه الحين متجهين لمطار المدينة لايمين ولا يسار وهذي آخر صورة ومن سوء حظي الكمره كانت هذي آخر صوره صورتها وطفت بعدها تقولي البطارية فارغة<<ماتنلام من كثر الصور وفي الختام أتمنى أنكم استمتعتوا بالرحلة معي من الرياض العاصمة للمدينة المنورة وكانت رحلة جوية ممتعه بالنسبة لي لأنها جات بوقت مناسب جدا جدا جدا وان شاء الله تكون حتى لكم ونلتقي في صور آخرى باذن الله تحياتي