أهلين المزن .. هاردلك أولاً وبأذن الله يعدي هالموسم يولي ونبدأ بصفحه جديده .. بالبدايه : ماحبيت منك لفظه الاوتوبيس .. وجمهور الهلال مالقى غير عبدالرحمن يرمي عليه الذنب ..؟! سامي الجابر صرح بعد مباراه الهلال والاهلي وطالب الاتحاد السعودي وماشفنا شيء .. :/ تعودنا هالشيء هذا بالنسبه لبيسو بمسأله أن سامي ماتكلم .. لاسامي تكلم وصرح وفيه التصريح مثبت بالقسم اذا ماشفتيه بأمكانك تشيكين عليه .. عموماً .. النجوم كلهم في العالم أجمع يتعرضون لضغوطات واللي تعرض له ياسر هالموسم شيء صراحه يندى له الجبين من الجماهير اللي جعل الله مايوفقهم لكن هذا مب مبرر يالمزن علشان ياسر كل مباراه يأخذ له كرت أحمر ونقول معليش العتب على اللي سبك والمباراه الثانيه نقول العتب على اداره النادي ..! عبدالرحمن بن مساعد بنفسه طلع بتصريح هنا وقال لن نسكت عن حق ياسر القحطاني وبنقاضيهم ومدري كيف هالخبر مادري عن صحته من عدمها لكن الخبر قريته هنا في الصوت ,, حتى لو أداره النادي سكتت عن حق ياسر وظلمته ترى مب مبرر أبد أن لاعب رايح كأس عالم ولاعب بطولات أسيويه وقاريه يأخذ كرت أحمر في كره ميته ..! معليش .. ياسر في المباراه ذي صفعنا وكأنه يقول أنتم ياللي ساندتوني ماحركتوا فيني شيء واللي سبوني وشتموني هم اللي حركوا فيني .. :/ يعني علشانهم منافسين أكيد بيتعرضون لك بالذم تروح توهق ناديك في مبارايات حساسه مثل ذي ..! أحب ياسر وأعزه وكلنا نعزه وهو نجم مايختلف عليه أثنين .. بس أننا نجلس نبرر له خطاه كل مره هذي ماصارت .. كلنا سمع الهتافات العنصريه ضد طارق التائب في مباراه الاهلي وكانت هتافات عنصريه ومع ذلك طارق تعامل بأسلوب يقهرهم وسجل هدف وقهرهم وخذا حقه بيده من خلال الهدف ,, مسأله أنه سجل وياسر لا ذي مسأله توفيق بس ماتجعل ياسر يأخذ كرت أحمر ابداً لا وحتى مع ذلك أنا اللي أكلمك أول من برر لياسر القحطاني وقلت أكيد شتموه أو قالوا له شيء خصوصاً وحنا سمعنا هتافات المدرج ضده ومشيناها له بس اليوم وش صار ..؟ لاسمعنا لاهتافات ولاشفنا كلام ولاحتى شيء كره ميته جداً ..! خبريني وش صار اليوم علشان ياسر يأخذ الكرت الأحمر ..؟! للآسف مافيه شيء غير أننا بنرجع نقول اللاعب يتعرض لضغوط كبيره تجبره على اللي قاعد يصير وكلنا ندري أن اللاعب يتعرض لضغوط بس هذا مايخليه يأخذ كرت أحمر بمثل الكره اللي اليوم ..؟! أقتباس أم أن تنظيم استاد أهم من الذب عن عرض مسلم ؟! الرجال قال رآيه بمسأله تنظيميه في واحد صفق فيه مع ظهره تبونه يسكت بعد ..؟ معليش حدث العاقل بما يعقل .. أنا أكثر وحده أنبذ مثاليه عبدالرحمن بن مساعد بس ماتوصل لدرجه أني أشير له بأسقاط أن تنظيم الملعب أهم لديه من لاعب .. :/ أنتقدوا ياسر وشجعوه وبرضو أنتقدوا عبدالرحمن بن مساعد وشجعوه بس ( لانرمي أخطاء من نحب على الغير ونبرئه من الخطأ ) .. صرنا مثل جمهور الجار اذا أخطأ لاعبنا قلنا لا ماأخطأ العيب على العيون اللي تشوف الخطأ .. :/ ياسر نجم على عيني وعلى رآسي تعرض لضغوط ندري وماقصرنا فيه وقفنا بوجه شعب كامل مب بس رياضه ودافعنا وحبيناه ودعمناه وبرضو شجعناه وكلنا سمع الهتافات لياسر ياسر ياسر في مبارايات عديده للهلال .. سامي الجابر خرج بتصريح قبل المباراه ودافع فيه وطالب اللجان بالتحرك ضد من يحاول النيل من ياسر .. عبدالرحمن أن قصـر في مسأله ياسر فهذا مايعني أن ياسر ملاك ولم يخطي .. ياسر أخطأ 100% في مباراه اليوم بالذات تجاه الهلال .. المزن : لاهنتي ..