بـــدايةَ لتسمح الاخت المانية اللي اتعشم فيها انها واضعتها من باب نصح ان شاء الله !! ،،
واتمنى مثل هذي الصور مانشوفها في منتدنــا مرة ثانيــة حتى مانساهـــم في نشرها ونسعد الشيطان اللي قام بتصويرها ،،
وخصوصا انها ثصور لبنات مجتمعنا واخوات لنا !!،
راح نترك الموضوع هذا استثناء للنناقش الموضوع لاني
حسيت من الردود ان فيه اشكالية على مين الغلط ومن المتسبب !! وليس للتدقيق في الصور والشماته والله يستر على الجميع ،،
بالنسبة للوضع البنات في الصور واضح عليهم انهم ماقصدوا استعراض ولاشي ولاحظوا الحوسة اللي هم فيها !!
وانتبهوا للهوا اللي كشف بهم وانا صراحه مااشوف استعراض ولاشي لو بيستعرضون فيه طرق اهل الاستعراض اللهم لك الحمد اخبر به !!!
وبعدين فيه نقطة شكل البنت وهيئتها مو مبرر ابدا لشاب انه يصورها ويفضحها بالله هذا قاصد نصيحه ولا فضيحه !!
ومثل هذا الحقير الله كفيل به ان شاء الله يجيه يوم يفضحه ربي ولا يجيه من يبلاه ويفضح محارمه !!
واستغرب صراحه من نظرة الناس دائما في الامور اللي مثل هذي وقبلها النهضة وغيرها وغيرها ليش دائما البنت هي اللي تتحمل وهي اللي يلقى عليها اللوم !!
صحيح ما انكر ان فيه بعض البنات الله لايبلانا فيهم حقهم من قلة الدين والادب !! لكن !! اللي استنكره اكثر كيف المجتمع
دائما يحمل البنت المسؤولية
أياً كانت نيتها حتى ماتعطى مبرر ابداً وانه هي السبب في اقدام الشاب على اي فعل يأذيها!! ،،
وصحيح ايضا ان الشباب ماعنده شي يخسره عادي لكن البنت هي اللي بتروح سمعتها ولهذا اللائمة اشد واكبر بس الي
قاعدين نشوفه ان هذا كلام استغله الشباب استغلال تام وصاروا يلعبون عليه !!وثقافة مجتمعنا تأيدهم على هذا !!
سؤال بس ليش دائما الشباب عادي مهما سوا في نظر الناس صالحين وحتى لو كان بقصد منهم !!
لكن البنت حتى لو احد بلاها دائما يقولون منها واكبر مثال((الطلاق )) !!
والردود اللي ذكروا ان المرأة فاتنة والرجل مفتون مااختلفنا لكن ايضا المرأة معروف انها ناقصة عقل ودين والرجل من
المفترض يكون اكمل !!
والمرأة غالبا تحركها عواطفها وهواها والرجل من المفترض يكون اعقـل !!
ولاخلاص لانها ماهي من محارمه ولا قريبته خلاص مافي فيه رادع يردعه !!
واللي علقوا على لبس البنات انامعكم في بعض الكلام من ان البنت تنتبه اذا بغت تتطلع !!لكن وش يدريكم عن الظروف مو
كالمرة بتنتبه يمكن طلعت وهي مستعجله !! او انها استحقرت المشوار وخصوصا انهم في الصوره على رجلهم يعني اكيد كان قريب !!
او انه ماتوقعوا اللي صار ويجي هوا ويكشفهم كذا !! ويصيدهم حقير ونذل بكاميرته !!
وماعاد عندي شي باقي اقوله غير ان اللتقاط الصور ونشرها مو مبرر للنصيحه !!
وفي الاخير اترك سبب جوهري للي قاعد يصير هو ثقافة مجتمع فاقد للوعي للكل الجنسين وفاقد لاحترام الجنس الاخر
و زاد من الوضع سوء اً سوء استخدام التقنيات !!!
والله يهدي شبابنا وبناتنا ويستر عليهم بستره ،،،