عطيتك عشق من قلبي وسلمت لغلاك أرقاب .. وغيرك يحترق قلبه ولايقـدر يحاكينــــي .. : تخونين وتبين أرضى هو أحد يرضى تخونينــه ..؟ أنا لاجيت أخونك مع حبيبــه ثانيه ترضيــن ..؟! : قلت من باب الميانه : صاحبـك وتعذبينــه ..! لعنبوك أرخي معاي شوي ماصارت ميـانه .. : رماني حظي العاثر عليك وجيت لك طلاب .. ولاأنتي اللي عشقتيني ولاأنتي اللي عتقتيني .. : حامـــد زيــد .. يالبيييييييييييييييييه يالشعر يالبيييييييييييييه يالحرف يازخم الأدب ياقوه اللفظ ياجبروت المعنى ياكل شيء مختلــف .. شاعر والشعر فيه يفخــر ..‘ حامد من الشعراء اللي وأنت تسمع له يأخذ معه بعيد بالضبط مثل الفنان اللي يطربك وينقلك من جو لجو هذا حامـد بالضبط .. كل أصدارته الشعريه سواء الصوتيه أو المقروءه اللي ذكرتوها عندي في مكتبي وأفتخر كثيراً فيها وأسمعها كثير كثيــر .. من جهتي دايم أحب أسمع له في الحماسه والفخر وعزه النفس .. أحسه أتجاهه هنا وقوه معانيه تخدمه كثير في هالجانب ياما وياما سمعنا أبيات له .. يمكن أفضل ماقيل في العزه بالنفس أبياته اللي تقول : أثره وجودي بينهم محرق أعصـاب .. ومزعل بعضهم من بعض لو ماطروني .. ياكبري بعيني وأنـا توني شــاب .. وأهم كتاب الشعر حاربــوني .. حتى ولو يهوي على نجمي شهـاب .. يكفيني أن أسمي كبير بعيــوني .. الى أن يقول : قد قال أبوي أن هبتهم قول ماهاب .. لو يقدرونك قــول ماتقـدروني .. اللي نجاح أسمي زرع فيهم أنيـاب .. حتى النصحيه مابغـوا ينصحــوني .. طالب نصيحه وكأني مطالب رقـاب .. وهي نصيحــه كيف لو زوجونـي ..؟! آااااخ بس جداً رايق جداً راقي جداً فخــوره أنا بك ياحامـد .. حامد وماأدراك ماحـامد .. أتذكر لما سآل مره عن برنامج المليون ومشاركته وعرض عليه المشاركه قال كيف أجلس أمام ناس يقيموني وأنا أشوفهم مب أفضل مني شاعريه .. لبى الغـرور ويحق له .. فعلاً ودك الواحد لاأغتر يغتر على شيء سنـع مثله وشرواه .. قصيدته برضـو في القدس .. عجيبه جداً تشعرك بالقهر وبنفس الوقت تحمسك .. ومنها البيت اللي يقول: عقّالنا معهم من العلم مقــدار .. مجنوننـا ينطح ثمانين مجنــون .. الأنسان ذا شاعريته مختلفه جداً يعني مدرسه بلحاله تبارك الله .. تشبيهاته / قوه معانيه .. فعلاً ماأدري كيف يصيغ القصيده ماشاء الله تبارك الله .. أحساسه شيء مو طبيعي الله لايحرم الساحه والمتذوقين من أمثالــه .. حتى جوالي / كتبي / محاضراتي / مكتبي الصغير .. كل شيء يحوي حامــد .. أحساسه يروق لي كثييييير يعجبني القوه في طرحه العزه صميم البدو على ماقال .. كيف أبنسى ربي اللي ملهم القلب السكينه .. مثل ماعانه بقربك لانوى فرقاك عانــه .. كان قاسي يجرح أطراف السكاكين السنينه مايطيح وبنت مثلك حبها هزت كيانه .. وإلا أنا خابر خفوقي مايمد إلا الثمينه .. وأن بغى يغيض الثريا قعد القمرا وزانه .. هذي نغمـه جوالي .. ووووهـ بس ياحامــد .. : فريق العمل : عرفتوا من تختارون .. حضرتوا بشيء ماحضـر إي شخص قبلكم بمثله .. حضوركم بحامد كان م ـختلف كحامد تماماً .. شكراً لأنكم أحييتم الصدى بهكذا شاعر شكراً .. ولايهونون أعمده الصدى .. بّورك فيــكم ..