الله يازمـــان .. ناس تقول المبارايات أكبر منك وناس تقول سامي أداري فاشل الله يكثر الكيبوردات يارب العالمين .. عمومــاً .. هاردلك خيرها بغيرها والهلال لعب بنفسيه عندي أعتبرها ممتازه عقب الخروج المرير من الدوري والظروف المتكالبه عليه .. صحيح مافيه روح وصحيح فيه هبوووط عام بالرتم والمستوى لكن النفسيه أعتبرها جيده نسبه للي صار خصوصاً والفريق خاسر الدوري بآخر لحظه أمام منافس تقليدي .. الشلهــوب .. لك شهور مالعبت وجالس أحتياط دخلت وصنعت كور ولاأحلى بس أن ربك ماأراد أنها تنسجل وبرضو المهاجمين ياسر / سول ماكانوا بالفورمه خصوصاً ياسر .. حطيت كم كوره صح وأنت ماتنلام ابدا ابداً وحطيت لنا فاول ولاأروع جاء منه هدف التعادل اللي طاروا به جمهور الزعيم العظيم خلف الكيبوردات وجايينكم مطفين الانوار يقولون أن مبارايات الديربي أكبر منك .. هههههههههههههههههههههههههههههههههههههههههههههههههه ههههههههههه ماعليه يابوبندر .. قد قالوا لسامي هالكلام بس أمش والقلب داعي لك والله أنك نجم مظلوم وأكثر نجم مظلوم في الهلال لكن بآذن الله تأخذ حقك ياكبيــر .. : الفريق كله على بعضه مش ولابـد .. حتى الدعيع .. بصراحه الوم اللاعبين وبنفس الوقت ماألومهم .. الومهم لأنهم المفروض يلعبون بروح هوساوي ورادوي .. والمفروض يعوضونا عن الدوري .. ومالومهم لانهم مرهقيييييييييييييييييييييييييييييييييييييييييييييي ييييييييييييييييييين .. الفريق جداً تعبان .. يناضل على بطولات أسيويه وداخليه ومع المنتخب .. لاتقولون لي الاتحاد ياعمي الاتحاد مريح لاعبينه بالبطوله الاسيويه المباراه الاخيره وبرضو أمس داخل بنص العناصر ونصها لا ومع المنتخب مايلعب اساسي من الاتحاد الا نور وهزازي .. لكن شف الهلال .. :/ كلهم أساسين مع المنتخب اللهم الشلهوب والفريدي وهم أحتياط بالهلال .. شف خط الدفاع جداً تعباااااااااااااااااان مرهق الخط كله .. من متى ماشفنا الزوري بالمستوى ذا ..؟! الارهاق قتل الهلال .. المفروض المدرب الكمخه ذا يدخل المبارايات بعناصر مختلفه لين يمزج الفريق كله مب كل مباراه والفريق هم نفس الفريق اللاعبين تعبوووووووووا .. عندك أحتياط بدل دخل على الاقل لاضمنت النتيجه .. الفريق تعبان ياهوه .. والمدرب ذا كمخه الله يلعنه مايدري وش السالفه .. اللي غابني أنه أغلى مدرب بالعالم يستلم 2 مليون ومدري كم على شهرين بس .. : يارب يارب وفق الهلال .. يقول الامير الشاعر عبدالرحمن بن مساعد قبل حتى مباراه الاتحاد : ( فريقنا تكالبت عليه كل الظروف نحن لانسيـر بخطط واثقه معينه مدروسه بل نحن نسير بخطى محفوفه بتوفيق رب العالمين فقط وهذا مانستطيعه في هذه المرحله ) .. والله أنك صادق بس من يفهم .. أحترامي للفاهمين هنا ..