أهلاً لجيــن .. هذا هو جمهور الرياض جمهور نهائيات .. والمشكله يجونك بالشبكات العنكبوتيه أكثر من يطالب وينتقد ويهاوش ويتكلم هم جمهور الرياض وهم أقلها حضـور مايحضـرون للفريق .. المبارايات الاخيره كان فيه دعم من كل جماهير المناطق بالحضـور والمباراه النهائيه برضو اعضاء الشرف تبرعوا وفيه حافلات تبي تسير من المنطقه الشرقيه والغربيه للمباراه وبرضو فيه جمهور بيجي شخصياً يحضــر .. بأذن الله يمتلي الملعب عن بكره أبيه .. بس مثل ماقلنا وحتى اعضاء شرف الهلال كثير طالبوا تنقل مبارايات الهلال خارج الرياض لان جمهور الرياض ماش .. بس ان شاء الله يعدلون وضعهم في المبارايات الجايه لانها كلها مهمه سواء النهائيه على الدوري أو مبارايات كاس الابطال أو مبارايات الاسيويه .. ولازم يعرفون مثل مالك حقوق عليك واجبــات .. والله الامير عبدالرحمن ماقصر بذل وبذل واللاعبين يبذلون واعضاء الشرف برضو يحضرون ويدعمون ويبذلون وحتى الحافلات والتذاكر يوفرونها بس وين العالم الباقيه .. لجيــن : قلم أرزق واعي .. لاهنتي يابعدي ..