السلام عليكم يالربع ويالربعات
............................
سنتن من السنين يوم انا ولدن شباب
رحت انا ووجه سهامك يم ناسن من الربع بدو ( اقصد عايشين بالبر (
وحنا نتقهوا عندهم ونمشى بهالربيع
وحنا نمر من عند غنمهم مادريت الا هذي حدا بناتهم مع الغنم
وهي تعطيني نظره مادريت الا انا من امس واقع بعشقه
وانا اتنهد هكا التنهده اللي بغن يتكسرن ضلوعي من كبره
قال: وجه سهامك وش عندك ؟
قلت: هاه لا ولا شي
وانا اجر هكا الموال اللي يقول :
كان الفرح عندي طي محبوس ::::: لقا فرصه تعلق بالسماءوطااااار
وهو يرد علي وجه سهامك بهكا الموال اللي يقول :
شيفيدك لو تجر كل المواويل :::: وشيفيدك لو تردد كل الاشعار
الوكاد اننا رجعنا للقصيم
ومن هكا النظره وانااعاااااااااااااااني ( حلوه اعاني بغيت امغطه حيل هههههههه )
قال: وجه سهامك
الحلم الازرق وش فيك
من يوم رجعنا من البر وانت منت عاجبني
قلت: بالله ابعدعني انت وخشتك تراني ماني ناقصك
قال: عاد الا تعلمني ( مايخلي لقافته )
قلت: يابن الحلال تخبر البنت اللي شفناه عند الغنم
قال: ايه
قلت: شلعت معاليق قلبي
قال: يعني عشقته
قلت: لا عشقت ابوه
وشرايك بالله يا حكيم زمانك
ايه عشقته
قال: بس فيه مشكله
قلت: وشهي لعنبو بليسك ماتجيب الا المشاكل
قال ابوهم مايزوجه حضري لو ايش
قلت: بس انا ماني حضري انا بدوي ومنهم وفيهم
قال: بالله
ادري ياخي
بس هم عندهم اللي مهو ساكنن بالبرويعرف للحلال وساكنن بالمدينه مهو بدوي
قلت: وجه سهامك تكفى دبرلي حل
قال: شف حنا نبي نسير عليهم وانت اشتغل وسو نفسك شقردي وكنك رجال
قلت: يعني انا ماني رجال ياذيبان
قال: الا رجال ونص
اصلا من اشوف زولك هاللي تقل طاولت بلياردو ادري انك رجال
قلت: من زين وجهك هاللي تقل مغرفه العاب اطفال
ماعليكم من خناقنا متعودين انا وياه ولياتخانقنا ما سكتنا
المهم رحنا لمهم مرتن ثانيه
واول ماجيناهم شفته رايحه للوايت مدري وش تبي
( الله يستر كان ماهي تبي تشيل شين ثقيل (
وحنا نزبنهم
وبين اللي يبون يبطون ( معناشناطنا الكبار (
وابوهم بين عليه انه انغث
بس حنا مانفتهم ( لزقااااات (
ويوم جت اول ليله جلسنا حنا والابو
قال: وجه سهامك فرصتك هذا اولاختبار
ابيك توريه انك تعر تسولف سوالف رجال
قلت: ازهله
المهم قام يسولف علينا ابوهم ويسرد علينا
قال: يا شباب تعرفون الغاز
قلت: ايه وشلون مانعرف
وهو يقوم يدربي علينا من هالالغاز
ولا حلينا ولا واحد
قلت: طيب انا ابقول لك لغز واتحدى ابوك تحله ) متحمس (
قال: وشهو ( وبين بنظرته يقول الله يقطع الخبول (
قلت: فيه شي يمشي على الجدار ويقول ميو واول حرف واو
قال البسه
قلت تعقب
قال القطه
قلت: ياخبل اقول لك بحرف الواو
قال: وش الحل
قلت: ولد البسه
قال: ماودك تنخمد وتنام لان عندي بكرى شغل وابيكم تعاونوني
قلت: قل والله
قال: ليش
قلت: انا ودي اعاونك ياعمي
قال: مايخالف بكرى من الصبح نبي نشتغل
وحنا ننام
ويوم جاء الفجر الا هذا هو تقل وجه ورر
وله صياحعند روسنا تقل تيس
ويوم قمنا وافطرنا وعينا من الله خير
قال: يالله يا شباب عندنا غرضان نبي نشيلهن فوق الوايت
وانا انقز انا وحه سهامك فوق الوايت وهو يعطينا من هالغرضان وحنا نحط فوق الوايت
وانا جايبن حيلي ( اهايط لان العشيقه تناظرني )
ويوم خلصنا وهو ينزل وجه سهامك من الوايت بسلام
ويوم نزلت انا وهو ينشب ثوبي بالوايت
وهو يغولني
وهويتجمع الثوب على رقبتي
كني ماني لابسن الا شورتن خضر ( حقات المنتخب عام 84( ناذخن فيه
ويوم انقطع نفسي وشفت الموت
وهو يقط وجه سهامك ثوبه الا ماعليه الا الهيلاهوب الاصفر ( غادين تقل بريعصي (
وهو يتعلق ويخلص الثوب من الوايت
الا انا غادين حوسه
والدموع مالهن والي من الفرحه
وانا اخم وجه سهامك واحبحبه وهو خامني ( مشهد مؤثر بالمره (
الوكاد عقب ما استرحنا لنا شوي قال ابوهم يالله ياعيال نبي نجز الغنم (اي نحلقهن (
قلت: عمي انت تستهبل ؟!
قال: ليه
قلت:ياخي خلنا نرتاح شوي
قال: صار لكم ربع ساعه جالسين يعني لهالحين ماارتحتو
قلت: ليه نلعب مباراة انت وجهك راحه ربع ساعه
اصلا انا من شفتوجهك قلت هذا عمر المهنا
قال: انتم تبون تشتغلون والا شلون
قال:وجه يالخبل قم
وحنا نكمز معه
اثرهم جامعينن الغنم اللي يبوننا نجزه بشبكن عند البيت
عز الطلب ( علشان النذخه (
وهويعطي كل واحدن مننا سكين
قال: يالله جزوا بهالسكاكين
والله وانااقوم اسن السكين واناظر للعشيقه لين غدالك حادن بالمره
الي هو السكين
وانا امسك اول نعجه ابي اجزه وانا اجضعه
وطبعا لهالحين وانا اناظر للعشيقه
وانا اقوم اجز
ويوم خذيت شوي الا اخوه الصغير ( حسبي الله عليه ) يصيح طول حسه
يبااااااه عبسي شق بطن النعجه
الحلم الازرق ينذخ عندفلااااااااااااااااانه
اثري شقيت بطن النعجه وانامدري
وحنا نهرب انا ووجه سهامك ( تقل احتياط غانا فرحانين بهدف (
وعلمنا بهم هكا الساعه
واسف على الاطاله
وتقبلو تحيتي