ياهلا بأهل المجلس .. طيب ماعندكم شيء للسخونه وتوقيف الخشم .. << مسخنه .. شوفوا ياطويلين العمر أنا وحده ماحب ولاأداني ولاأطيق خلطات الوجه ذي وأحسها لعبه في لعبه .. يعني أحطها ولو أتركها رجعت بشرتي على ماهي عليه .. :/ يعني مثل المكياج وش الفرق بينهم ؟ المهمز أنا ماحب الخلطات ذي ولاأؤيد أن الصبايا يحطونها .. حتى فيه خبيره تجميل أمس كانت عندنا << تعلمكم أنها عندهم .. المهمز والله سويسريه تدرون وش تقول .. تقول أن اللي يحطون الخلطه مره وحده خلاص يتعود جلدهم على الخلطات والامور ذي ويصير ماتروح بثور الوجه عندها الا بالخلطات ذي .. :/ وشهد شاهد من أهلها .. فهي تقول هي حلوه للي بيستمر عليها شينه للي يبي يحطها مره أو مرتين .. :/ سيده خلانها : بالنسبه للشعر .. أحس هو اللي يحتاج هالخلطات وهالامور أكثر من الوجه .. أقولتس خلطه مجربه واللهي .. بس يبي لك تستمرين عليها شهور علشان تضبط .. ياطويله العمر أطحني ثوم ثوم خالص لاتحطين معه شيء أبد أو أهرسيه بعد لو ماقدرتي تطحنينه .. وحطيه على شعرك أفكري الشعر فيه وأنتي تحطينه وخصوصاً جذور الشعر والبصيلات وخليه عليها 10 دقايق أو ربع ساعه وعقب غسليه .. والله والله يابت أنه خطيييييييييييييييييييييييير بس أعلمك يبي له أستمرار شهور .. وأنا اللي أحاكيك مجبرتها واللهي بطله بطله ..يعني أبدي فيه من الان لو تبين للعطله .. ولاتقولين ريحه لاوالله الريحه تروح علطول بالشامبو قسم ماتجلس لو نظفتي شعرك بالشامبو كويس .. برضو فيه شيء ثاني الجرجير .. غسليه وأطحنيه بخلاط مع زيت زيتون وجربيه على شعرك .. بصراحه ذا ماجربته بس أشوف بنات خوالي دايم الجرجير على رؤوسهم ويمدونه كثير كثير .. وحطيه ساعه ساعتين عادي .. يقولون رهيب رهيب أنا بصراحه جربت حقت الثوم ذي بطله بطله .. بس ماأستمريت عليها مثل ماقالوا لي شهور جربتها شهر الظاهر مادري شهر ونص يوم شفت فيه تحسن سحبت .. لاني ماحب أتقيد بأشياء طويله كذا .. بس أنتي جربيه على ماقالوا شهور يعني 6 شهور أو 5 شهور حطي وشوفي .. : نجي للفساتين .. عندي زواج بنت عمي بالعطله بأول شهر 8 .. والى الان ماسويت ولا حاجه ابد ابد ابد .. صراحه صراحه عجزانه أروح مشغل ومصمم وقماش والحركات ذي .. أبي فستان جاهز مجهز من خلقه ربي له .. وماحب الفساتين الضخمه والمليانه حوسه لا ابي فستان رايق طايح هادي جداً.. وودي لو ألقى فستان أسود أبي أسود .. يعني مخططه أني أبي فستان أسود حرير ومافيه شيء أبد وأبي أشري له كريستال أحمر صغير وأحطه على الصدر أو الخصر بحركه حلوه .. بس يعني ماحصل من هالكلام شيء مجرد رغبات فقط ولانزلت للأسواق ولاشيء ويعين الله .. مادري ليه مادخلوا مخي الحاجات ذي .. ولاحبيتهم .. : بنات المجلس : أنتم أكوس ناس اللي تعرف فساتين حلوه ورايقه مثل ماطلبت تقول لي الله لايهينكم .. عوافي يابطلات ..