السلام عليكم ورحمة الله وبركاته كيفكم يا مجلسنا إن شاء الله بخير [ كلنا لبو متعب محبين .. نعشقه ونموت فيه لسنين ] ..ق1 اليوم جيتكم سياسيا وياويلكم مني .. شفنا بالأمس القمه العربية المقامة في الدوحة ( قطر ) وشهدنا كيف أن العرب كما قال مليكنا ابوفيصل رحمه الله ( اتفق العرب على ان لا يتفقوا ) وهذا حالهم الليه يهديهم ، وشفنا كيف إن الليبي اللي حسافة طارق التايب من عندهم < شفناه وش قال ، قبل لا يكون إنه تكلم على دولة بحجم السعودية ، أشرك بالله عزوجل شرك أكبر تخيلوا ملك ملوك افريقيا ..! ، وين ياعمي ذي اذكر دارسينها في المتوسط في التوحيد . . إن كلمة ( ملك الملوك ) لا تطلق إلأا على الله عز وجل ، فكيف انك يا العلماني تطلقها على عمرك ! من يوم شفت نظاراتك السوداء وانا غاسل يدي ، راز بها في القمه أمس .. لكن كلامه عن المملكة انو بريطانيا تحميها وانو السعوديه تساعد امريكا ومادري ايش السعودية حاميها ربها أولا وثانيا ملوكها هم من يحموها ( أبو متعب ) وكيف كان تعامل ملكنا الغالي مع هالقذر القذافي فكانت خير إجابه لهذا السفيه [ السكوت ] يخاطبني السفيه بكل قبح فأكره أن أكون له مجيبا يزيد سفاهة فأزيد حلما كعود زاده الاحتراق طيبا من ست سنين وهاللي ماينتسمىآ القذافي قاعد يجهز لها اليوم من ست سنين وهو على جمره وجا امس وقال اللي يبي لكن يحسب إن ابو متعب بيارده ولا شيء لا أبو متعب كان أكبر من هالعقلية واكنت إجابة ابومتعب السكوت والصمت عن إجابة التافه [ لبى قلبك أبومتعب ] ولسان حاله يقول : قالوا سكت وقد خوصمت قلت لهم .. إن الجواب لباب الشر مفتاح والصمت عن جاهل أو أحمق شرف .. وفيه أيضا لصون العرض إصلاح أما ترى الأسْد تُخشى وهي صامته؟.. والكلب يـُخسَا لعمري وهو نباح وأذكر في القمة العربية المقامة في سوريا كان آخر واحد وصل للقمة وأكثر واحد يحتسى ويبربر ويقول كلام صراحه اضحك عليه بس لازم يقول كلام لصالح امريكا ليش مادري .. المهم من ضمن كلامه اللي كان دايم محور لقمة العرب وهو ( فلسطين ) كان يقول ليش ماتقوم دولة لفلسطين واسرائيل ويرجع اللاجئين الفلسطينيون لديارهم ويكون هناك انتخابات برئاسة من الأمم المتحدة وهذي حطوا عندها الف خط من الامم المتحدة ماقال ع الاقل من العرب .. المهم تقام من الامم المتحدة ويكون الرئيس يا فلسطيني ول اسرائيلي .. بالله عليكم ذا من وين له بالعقل ، ههههه وربي إنه ينكت ذا العلماني مب صاحي .. وكمان أذكر في القمة العربية المقامة في الجزائر كان يقول : إن فلسطين واسرائيل أغبياء .. وإن الإرهاب [ إسلامي ] ، هذا الكلام تقريبا ماخذه من الغرب واللي هم من يحموه ..! لكن هالسفيه مايعقل لازم يقرقر ويبربر ويتسثر كلام على غير سنع .. ماتعلم من دروس أبومتعب ، لما عفىآ عن الثلاثة الليبين اللي حاولة اغتياله وقتله .. ولا تعلم من آخر درس أمس [ الصمت ] وكيف يكتم غضبه ويهدي أعصابه .. بس هالليبي ماعنده كلام باص عيون أقصد غير مباشر لا زبدي يقول بكل جرأه وهاذي الميزه الوحيده عند القذافي جرأته ولا عليه من أ؛د بس أحس هالجرأة ماجت إلا إن وراه ظهر يتسند عليه بس من ؟! وهذي كم بيت شعر أهديها له ، كم أكرهك يالقذافي .. تعصي الإله وأنت تظهر حبه .. هذا محال في القياس بديع لو كان حبك صادقا لأطعته .. إن المحب لمن يحب مـُطيــع في كل يوم يبتديك بنعمة .. منه وأنت لشـكـر ذاك مضيع لكن ذا القذافي مليكنا مسوي له مشاكل مروعه زي مايقولون .. يوم جات القمة العربية عندنا بالسعودية ماحضر ، ياعيني على الرخوم .. ولا إذا ابومتعب فيه لازم يتكلم من الخوف ، كم أحب أبو متعب .. ولكم كم مقطع للقذافي وكلامه التسثير .. ض1 هذا المقطع للي حصل قبل ست سنين تقريبا وهذا المقطع السنه الماضيه في سوريا لما قال فلسطين واسرائيل أغبياء والإرهاب إسلامي .. ض1 وبس هذا الي كان بقلبي وطلعته وياقذافي حذاري تقرب من شيء أسمه [ أبو متعب ] .. وفي النهاية [ كلنا لبو متعب محبين .. نعشقه ونموت فيه لسنين ] <~ تراه تأليفي لا يلطش ض1 وسلامتكم "