محاوله بوح ..آمل ان ترتقي لذائقتكم الفائحه برائحة الجمال ...



عاقدهـ النيه ..

يارب وش فود الندم والملامه
لو فاضت الروح وذنوبنا حيّه
يارب عفوك طالبين السلامه
من ظلمة القبر والوحده لنا خيّه
من جيب للدنيا طفل ماسك ابهامه
والهم ضيفٍ دوم مكثّر الجيّه
وأحلامي اشبه بخيالٍ نسى لجامه
شرد بغصنٍ طويلٍ لامس الفيّه
كبرت والهم ماثنيت اعزامه
بقى ورايه مثل جذعٍ يبي ريّه
حاولت اقاومه ماقاومت اوهامه
يصغر ويكبر ثم يعاود بعد غيّه
شرّعت سيف الاماني في لقى ايامه
وبديت حرب التحدي عاقده النيّه
وهذا أنا في سجال معه واعوامه
مره افوز ومره اخسر خطاويّه

وسلامتكم

نسمة فرح