سيداتي آنساتي سادتي سلام من الله عليكم ورحمة منه وبركه وأهلا وسهلا بكم في الموقع الرسمي للاعب ياسر القحطاني أحبتي / مسائكم تفاح أخضر مدخل ربما تكون قصتي نادره لكنها حتما لن تكرر من أي شخص آخر ^ ^ مقدمه قبل ماتقرون القصة حاولوا تستعدون لقراءة القصه ^ & ^ الى القصه ^ ^ في أحدى الليالي وبالتحديد في وقت متأخر من الليل وأنا جالس بغرفتي وكنت على وشك النوم المهم إني كنت متكي على السرير ومطفي النور والتلفزيون شغال و محمد عبده يغني تعب تعب كل المواعيد تعب كل المواعيد تعب بإسم الحب بإسم الشوق مأسأتي معاك تزيد وأتم بعيد وتتم بعيد وأتم مثل الحزن أخوكم بالله عبودي خاش جو مع أبو نوره لين إنتهت الأغنية وصرت ماأشوف إلا الفراش المهم إني غطيت شوي تقدرون تقولون إني كنت نص نايم وأسمع صوت قوي طير عقلي وصحيت منهبل وإلا أشوف كنغر بالزاوية > أصدق أكذب كنغر عندي بالغرفه واللي طير عقلي إنه متكي ومعه كوب شاهي وفطيرة كرواسان بالزعتر ويحل الكلمات المتقاطعه حسيت وقتها إني بفلم على MBC2 طار النوم وضاعت علومي خصوصا بعد ماطلع سيفه حسيت إن اللي قدامي الزير سالم وكنت أفكر وش أسوي قلت خلني أسوي نفسي نايم واسمع صوت خفيف يقول صح النوم رديت بدون شعور ماعليك زود قلت بقلبي ماعاد فيها نوم الكنغر ناويها حرب والدعوى ياذابح يامذبوح وناظرت إلا الكنغر يرافس وكل مره يحاول يقرب لي وقلت مالي إلا إني أحاول أقرب من الباب بس المشكله إنه بيني وبين الباب ومستحيل أوصل الباب لأنه يرافس بكل غير طبيعي ومافيه فرصه إني أمر من عنده وفجأة واسمع صوت أغنية بديع مسعود رااايق,, حبيبي يابعد عمري وأناظر إلا هو جواله يدق > قلت ياقدم النغمه قال ليه تبيني أحط أغنية لعاصي الحلاني > قالها وهو معصب ويمسك الجوال ويعطي اللي يدق مشغول ويموه كني بيضربني بالجوال وأنا أنزل راسي قال : هاه هاه واحد صفر وأمداني أرفع راسي إلا الجوال جايني يمشي ١٠٠٠٠ ودب على وجهي وكانت هذي بداية معركه حامية الوطيس تمكنت في نهايتها من إخراج الكنغر من الغرفه طبعا غرفتي بابها يفتح على الشارع وكانوا أهل الحارة كلهم عن الباب وأنا أشوت الكنغر والناس يصفقون > حسيت إني جايب هدف التأهل لكأس العالم > أنتظر ابوي يقول المكافئة مضاعفه طبعا الكنغر طار وشفتكم ولاشفته واكتشفت فيما بعد إن الكنغر طاب علي مع الدريشه وأول شي سويته الغيت الدريشه وإذا دخلت الغرفه قفلت الباب على طول وماأفتح لأي شخص لين يدخل البطاقه من تحت الباب > أي واحد بيسير لاينسى البطاقه تدرون وش اللي قاهرني إني ماأخذت رقم جواله ^ ^ مايستفاد من القصه أن الدريشه مالها فايده إلا ان الكنغر يدخل معها أن الكنغر إذا عصب بإمكانه أن يطير بكل أريحيه أن الفنان بديع مسعود هو الفنان المفضل لدى الكناغر أن الكنغر يعتبر من الحيوانات التي يمكنها الإستفاده من الوسائل الحديثه لمحاربة الجفاف والتحصر ليتكيف مع البيئه أن الحيوان مثل الإنسان لديه القدره على توقع الأحداث المستقبلية أن وجه أي واحد من الممكن أن يتحول الى لوحة مفاتيح سوء التوزيع الجغرافي للسكان والكثافه السكانية في العاصمة والمدن الهامه يعد أحد أسباب مشكلات المرور > متأثر بأسبوع المرور شي ماشفتوه وأنتم شفتوا شي أصلا ^ ^ مخرج اللي اتصل على الكنغر وعطاه مشغول طلع فيصل بن تركي بيسوي مداخله >> يحلمون