لاهنت يارآس الرجاجيل لاهنت .. ولاهان رآس في ثرى العود مدفون .. فضوها سيره .. قلوبكم تتحمل تناقش وضع وطن بالشكل المخزي ذا ..؟ أقسم بالله العلي العظيم في حق هالفجريه أني أستحي من وطني وأرضي وترابي بهالمنتخب وبهالرجال وبهالوضع اللي صاير .. خلاص خلوه لهم خلوهم يلعبون فيه لين يملون وتطق رؤوسهم ويشووفون أن ماحولهم لامتابع ولامشجع ساعتها يعرفون أننا اوادم نحس عندنا دم الكثير يحسب أننا بلا وطنيه وماعندنا حس وطني لكن اللي يصير هذا تشويه للوطن لو ماعندي وطنيه ماغرت على تشويه سمعه الوطن بالشكل ذا ..؟ من هزايم لهزايم لهزايم وياقلب لاتحزن .. اللي قاعد يصير وينافخ ويطبل لسلطان بن فهد وللاتحاد السعودي هو يدور عن مقتل الكره السعوديه مايدور مصلحتها .. وين مصلحتها فيه بالشكل ذا ..؟ خلاص ملينا نفخ لرجال الاتحاد وماقصرتوا واشتغلتوا وتعبتوا .. وش تعبوا فيه وش أشتغلوا ..؟ الا قل شغل وقل عمل وقل أحساس بالوطنيه .. وش ذنبي أنا يالمواطن أشوف أسم ديرتي يلعن خيره وحتى كوريا الشماليه تلعب فيني على ماتبي علشان حضرتهم في مناصبهم ..؟! وش ذنب اللي يشجع ويتحمس ويرجع بالخساير والتعب ولعنه الخير .. وش ذنبنا يالاتحاد السعودي ردوا فهموني وش ذنبنا وش سوينا حنا ..؟!!! قتلتوا وطنا الله يقتل فرحكم .. حتى ماعاد فينا احساس وملينا الكوره بسببكم خلوا الكوره لكم لين تخيس وتنسم وهي منسمه فيكم يالفاشلين .. كل يوم يقول القايل يتعدل الحال ولاشفنا حال يتعدل يوم عن يوم يزيدون غباء وتناحه وقل شغل وتخريب وتشويه للسمعه سمعه هالبلد .. صارت السعوديه ام الخساير ذا الوطن ..؟ ذي الوطنيه ..؟ معليش انا وطنيتي ماتحملني أني أساهم في قتل أسم بلدي وطعنه بالمجاملات والتصفيق له وهو مخزي وسيء الى هالدرجه .. الى أن يعمل الكل ويشارك الكل والى أن يشعر الكل بمقدار أنه فعلاً له دور في بلاده وفي منتخب وطنه وكلن يعطي على طاقته وراحته وكلن يساهم بنجاحه بدون تدخل وسلطنه ذاك الوقت أشجع المنتخب بكل ماأوتيت من قوه .. تدرون ليه .؟ لاني ساعتها لما اصفق له بصفق له بصدق بدون مجاملات ولما أنقده بنقده وأنا عارفه أنه بلدي وفيه من يسمعني بس الان لما أصفق له أنا ماأصدقه القول أنا أطعنه وأذبحه بمجاملاتي ولما أنقده أطرد وينقال عني قليله تربيه ومن أنا علشان أقيم ..؟ أنا المواطنه اللي عمركم ماتنزعون وطنيتي بأفعالكم القبيحه يالاتحاد .. تباً ثم تباً ثم تباً لكم ولعملكم ولمنتخب تقولون أنه منتخب الوطن هذا منتخبكم أنتم مب منتخب الوطن منتخب الوطن كل الوطن يشارك فيه مب سلطان فقط من يتحكم ويسيره ..