بسم الله الرحمن الرحيم اخواني الحلوين.صباحكم/مسائكم ورد وفل وجوري وكل انواع الاطياب بعد تعب شديد وقت طويل من الدراسه. أخيراً وصلت الثانويه. يعني ماطلعت منها الا بطلعة الروح .المهم اني اجتهدت وجبت نسبه حلوه. قلت اهم شي انها تدخلني كلية الطب. وانا راجعه للبيت فرحانه انا وشهادتي, دخلت البيت مشاءالله الاهل مجتمعين الكل يبارك ويهني. المهم جا اخوي سألني : هااه وش ناويه تدخلين؟,؟,؟ قلت: كلية الطب >>>> واثقه مررره قال: وشو ماعندنا بنات يدخلن طب يعني قطعت الامل. رحت وسجلت في قسم الفيزياء على الاقل اهون من (الدب المتفلسف) يعني = الرايضيات. المهم درست وتخرجت الحمد لله يعني مابقا الا الوظيفه. بعد اول سنه دراسيه من التخرج جتني وظيفه ولله الحمد مدرسة فيزياء باحد المدارس الاهليه. اركض فرحانه لامي :يمه لقيت وظيفه قالت :وين قلت: في المدرسه الفلانيه الاهليه قالت:وينهي فيه قلت:على طريق المطار. قالت امي :وشو هذي في قلعة وادرين مافي روحه .ولا هوب ناقصتس شي, وانا مكلمه لتس خالي عنده واسطات بيدخلتس بمدرسه جكوميه. قلت لامي : يمه وشو مثلتس الدايم اللي تقولينه (اصبري على ام شوشه لين تجيك المنقوشه) قالت الوالده الله يحفظها: مافي روحه يعني مافي روحه. وشوفة عينكم هذي ثاني سنه اقعدها بالبيت لان الوظايف اللي تجيني كلها داخل الرياض والوالده تبي يبنون لي مدرسه عند بيتنا هل اني اطيع الوالده واكنسل الوظائف..؟ يااخواني وش تنصحوني فيه جزاكم الله خير سبحانك اللهم وبحمدك ، أشهد أن لا إله إلا أنت أستغفرك وأتوب إليك