السلام عليكم ورحمة الله وبركاته
'
* زحمه سيارات واقفه .. السعودي : وش السالفه ( وهو يرفع راسه ) وش صاير ياولد ؟
* مكان عام والكل ينتظر , ينفتح الباب ويدخل شخص ، كل الناس الموجودين في الغرفه يناظرونه ويتفحصون شكله مضبوووط !
* شخص يكلم جوال , كلـ(ن) يذب اذنه ويتسمع وش الي صاير ؟
* 3 اخوياء , اثنين منهم يسولفون في موضوع , يدخل الثالث بسرعه , : هيه هيه وش صاير وش فيه وش السالفه ؟ , عيد عيد من اول .... 
^
^
شفتوا هالكلام كله ... هذا [ بعض ] عادات وتقاليدنـا الي مستحيل تتغير اعتقد !
الشخص السعـودي تقاليده غيـر .. ( للقافه عنوان ) !
1) ..
...... دخـلت غرفة انتظار بالمستشفى , اشوف كل الي فيه يناظروني 
, وابدا اوسوس احياناً ان وجهي فيه شيء .
2) ..
...... دخـلت محل واكلم جـوال , الكل يناظر ويتسمع وودهـ يعرف وش صاير .
3) ..
...... صارت بيني وبين واحد مشكله في محل عـام .. الكل يتجمع ويناظر من بعيد ! .
4) ..
...... [ حـادث ] , واصابات , الكل يتجمع ويناظر [ فقط ] , وحتى لو شخص قدامه بيموت , بس [ يتفرج ] ! .
5) ..
...... زحمـه والشـارع كله سيارات , شخص سعودي : وش السالفه ياهوه , وش صاير وش السالفه ؟
6) ..
...... السعـودي قبل لاينام : خلاص بكره بأروح البنك احول فلوس , وبعدها بروح امر المجمع الفلاني اشتري كم غرض ، ثم بأفصل ثياب واروح عند اخوياي ... اليوم الثاني , : يقوم من النوم الساعه 2 الظهر يتغدا ثم يصلون العالم يروح يلقى البنك قد صكّر وخلص , يروح لم الخياط يلقاه زحمه , يرجع البيت ثم يروح عند اخوياه ويقول في نفسه : خلاص كل الي قلته بسويه بكره , وعلى هالحال لين يطيح الفاس بالراس 
.
فهمتوا قصدي ؟ ..
المثل يقول : لاتؤجل عمل اليوم الى الغد .
لكن بالسعودي : لاتفعل عمل اليوم الا بالغد 
.
انا ماطلعت نفسي , خذوا مثال مني انا شخصيا ً .. /
انا ضروسي تركيبه , فـ قررت اركب تقويم وأخلع ضروسي عشان اعدلها
هالكلام قبل 6 شهور وأنا مقرر هالكلام .. قبل شهرين بديت , وخلعت 4 ضروس وركبت تقويم يوجع تراه ، بس ابشركم تعدل شكلها الا شوي .
قررت ادخل نادي رياضي , عشان اللياقه وغيرها , هالكلام من 7 شهور , الى يومكم مادخلت نادي .
كل يوم اقول بأخصص ساعه ونص للمذاكرة , الى يومكم ماحددت ولا ربع ساعه .
لي اسبوعين ابي احلق ولا رحت احلق للحين .
.................................................. .......... ليش ؟
ليش لما ابي أحلق ماروح أحلق لما اقول ؟
ليش لما ابي أشتري شيء أشتريه بعد اسبوع من افكر فيه
ليش لما ابي اعدل شيء ما أعدله الا بعد اسبوعين ؟
ليش مستشفى الاسنان كريه ؟
...... جـاوب .. /
ليش أحنـا دايم كـذا ؟ , ليش دايم عاداتنا كذا ؟
ليش نأجل اعمال اليوم لبعد شهر
وضحّت لكم الموضوع ؟
* لكــّم .. 