..
في وسط هذا الجو المغبّر ..
والأجواء العاترهـ , والطقس المميت ..
إلا اننا سنعيش ليله كرويه خياليه ..
مواجهات حاسمه , اليوم وبكرهـ ..
ليفربول Vs ريال مدريد
مواجهة خاصة للكبار .. حيث المتعة عنوانها !
مستوى ليفربول هابط تماماً .. رغم فوزهـ الأخير على سندرلاند ..
أما الريال فـ ممتاز جداً , دون النظر لـ مباراته الأخيرهـ في الدوري والتشامييونز ..
ليفربول يبي التأهل أكيد .. لكن صعبه في ظل الظروف اللي يعيش فيها ..
رغم انها بملعبه وبين جماهيرهـ , والذهاب فاز في إسبانيا ..
لكن , في ظل غياب بن عيون - ريرا - توريس .. وعدم تراجع مستوى جيرارد ..
فـ صعبه انهم يفوزون على ريال مدريد في الآنفيلد رود ..
الريال من زمان ماتخطى دور الـ 16 .. نبي هالمرهـ نعديه ..
في ملعب الريدز , اوكي .. خسرنا الذهاب , مافيه مشكله ..
أهم شيء الحسم , لازم نفوز لازم !
كل لاعبي الريال كاملين الا المصابين لنهاية الموسم ..
الحراسة مافيها خوف , أما الدفاع ماش .. ضد الأتلتيكو بغينا نروح وطي ..
بيبي لو رجع بيرجع الثقه , وأتمنى مارسيلو مكان هاينزهـ ..
المباراة في الشوط الأول ان كان مافيه هجمات مدريديه خطيرهـ ..
بتروح المباراة على الريال .. ( ربما ) !
ليفربول يفتقر للمهاجمين , يمكن نشوف بابل ونجوج ..
نتمنى نستمتع فيها .. ونفوز فيها ونتأهل 
Forza Real Madrid
جوفنتوس Vs شيلسي
مواجهة قوية جداً .. مباراة عنوانها الإثارة !
مستوى الفريقين رجع .. وهالمباراة بنشوف فيها شيء ..
اليوفي خسر بتشريف في إنكلترا , وهالمرهـ بملعبه ..
عكس البلوز اللي فاز بصعوبه في ملعبه , وهالمرهـ خارج أرضه ..
اليوفي ممكن يكون ضاغط الشوط الأول ويمكن يطلع منه بهدف ..
البلوز بيكون مدافع ويعتمد على المرتدات بكثير ..
خصوصاً بعد مارجع مستوى دروقبا لـ حقيقته ..
اليوفي خطوطه كلها في أمان .. وحتى تشيلسي ..
لكن اليوفي بيفقد لـ ليجروتالي + سيسوكو ..
ربما المالي غيابه صعب جداً , تعويضه صعب ..
لكن إنسجام بولسن وماركيزيو ممكن يعطي قوة ..
تشيلسي ماعندهـ غيابات الا كارفالهو , وأليكس مقدم مستوى رائع ..
المباراة مدري ليه أحسها لـ اليوفي .. 
بايرن ميونخ Vs سبورتينغ لشبونه
ماله داعي نتكلم .. دام الذهاب فاز بـ الخمسه خارج ملعبه ..
وش نقول طيّب .. ؟
باناثينايكوس Vs فيّا ريال
الذهاب كانت تعادل .. وفي الميدريقال ..
ومستوى فيا ريال مش ولا بد , شكلها لليونانيين !
الله يوفق الإسبان ..
مانشيستر يونايتد Vs إنتر ميلان
حاملوا لقب الدوري الإنكليزي والإيطالي لـ عامين متتاليين ..
مرةً أخرى , في مواجهة قوية وصعبه وحاسمه ..
الذهاب انتهت سلبيه , وكانت ممتعة جداً ..
مستوى مانشيستر يونايتد لا يحتاج إلى وصف ..
بـ كل التشكيلات يفوز مانشيستر .. في الدوري حدعش مرهـ فوز متتالي ..
والإنتر مستواهـ متذبذب , تعادل مع روما في ملعبه بصعوبه ..
وفاز على جنوى في جنوى , صعبه تحكم على المستوى ..
مانشيستر يدخل المباراة كامل اللاعبين ومافيه غيابات مؤثرهـ ..
واللاعبين في أوج عطاءاتهم .. خصوصاً عودة روني وتيفيز القويه ..
ويبي الفوز بكل تأكيد , التعادل الإيجابي يقول له ( Out ) ..
يا أبيض .. يا أسود , يافوز .. يا خسارة !
الإنتر يكفيه التعادل الإيجابي , هدف مبكر يبهذل أوضاع المانيو ..
لكن صعبه جداً في الأولد ترافورد , خصوصاً ان فيه غيابات لـ ( ماتيراتزي - تشيفو - بورديسو ) ..
مؤثره تماماً على الإنتر , ولخبطت أوراق مورينهو ..
السير بيدخل الشوط الأول ويبي هدف يريح باله أكيد ..
والإنتر على المرتدات بيعتمد .. في وجود إبرا ..
أحس هـ المباراة , لـ رونالدووووووووو ..
ان شاءالله نستمتع فيها , ونفوز طبعاً ..
Forza Man Utd
روما Vs آرسنال
مواجهة حاسمه , صعبة على الناديين ..
مستوى روما تذبذب بعد إصابة توتي ..
والقنرز من أروع مايكون بعد الفوز عليه ..
هـ المباراة ممكن تكون في شوطها الأول خاصه لـ روما ..
الثاني يكون مفتوح , ( يخربها سباليتي ) ..
مشاركة توتي مشكوك فيها , غيابه عنها بيأثر كثير ..
والقنرز إصابابته كثيرهـ , وأكيد بتأثر ..
شكلها لـ روما , وان شاءالله لهم ..
برشلونة Vs ليون
الأول فعاد للهيبة .. والآخر مستواهـ في إنحدار ..
مشاركة بن زيما مشكوك فيها , يعني كأن المباراة بتروح للطعوس ..
لكن مايمنع ان البرشا بيطلعون .. نتمنى خروجهم زي مايتمنى كيتا خروجنا ..
بورتو Vs أتلتيكو مدريد
كل الناديين متألقين في دورياتهم ..
للأتلتيكو إن شاءالله .. يستاهلونهارفاق فورلان واغويرو ..
* إيطاليا بتفوز على ناديين إنجليزيين ..
* إسبانيا ماضمنت لين الحين أحد ..
هل يجري الريال مع الرياح .. ?
أنس / تيري .. تقديم يليق بالتشامبيونز ..
يعطيكم العافية ..
..