بيسو ليه تحرجيني اصلاً لو بقولكم وش أعرف أسوي يبي يصير في كتاب الشيف حلاها .. خلي عنتس الكتابه هنا انا أمهر طباخه عرفها التاريخ .. << حلو الشعور مع انه نصب شلون لو يصير صدز ..؟ شوفي بصراحه بصراحه أنا ماعرف إلا للكبسه .. وماعمري سويتها ابشرتس بعد لانها وشسمه طريقتها صعبه بالحيل << أشرحي وأنتي ساكته .. المقادير طال عمرتس : قدر .. وملاعق وحصون .. << وحده ماعمرها دخلت المطبخ .. قصدي : رز .. دجاج أو لحم بس أنصحكم بالدجاج .. بصل .. / زيت .. بهارات .. / طماط .. ملـح .. خضار اذا تبون وصلصه / ماجي امممم بس .. نجي للطريقه عاد : تطلعون القدر من الدولاب ثم تغسلونه .. << بالله عاد ..؟ المهمز طلعوه من الدولاب وغسلوه أنتم لاتعطونه الشغاله تغسله ثم حطوا بصل مقطع وطماط وحطوا فوقه الدجاج وحطوا البهارات والملح والزيت ثم شغلوا الفرن .. << وطبعاً لاتنسون تحطون المويا .. وبعد مايطبخ بنص ساعه كذا حطوا الخضار اذا تبون وتحطون الماجي والصلصه معاهم .. وخلوه يطبخ لين ينضج يعني ساعه كذا أو ساعه وربع بس أظن والله أعلم أن ساعه تكفيه ثم لين نضج مره والا أنتم مولمين الرز طبعاً تصيرون قبل ناقعين الرز يعني .. تمسكون الرز وتكبونه بالغدر .. << سودانيه .. اي تكبونه بالقدر اللي فيه الدجاج وتخلونه يطبخ ليييين يخلص مويته ثم قصروا النار مره مره وحطوا الكشنه اذا تبون فوق .. أعلمكم وش الكشنه .. بصل مقطع صغير محموس وبطاطس مقطع صغير مقلي بالزيت وتحطونه فوق الرز وتحطون فوقه ليمون أسود .. وبعدين تحطون على طاولتكم صحون صغار وعندهن ملاعق وتجيبون الرز وتنكبونه بطبق كبير وتحطون بالوسط وكلن يحط له بصحنه ويأكل .. عاد اذا تبون سلطه قولوا لي اقولكم وشلون طريقتها .. << يلا بالعافيه كل واحد يطبخها شباب / وبنات باتسر لايجي باتسر الا انتم مسوينها وكلن يقول لي الطعم كيف .. << أنتي بكبرتس ماعمرتس سويتيها .. بيسو شرأيس فيني وانا شيفه ..