السـلام عليكم ..
مقـدمه …
يا سلام عالحب لما يدق بابك فاجأة ..
وانتا حزين محتاج لو بس حد يحسك وانتا فى وحدة
تليفوني رن تررن تررن ..
واللى ردت يا عيني صوتها احن ..
كلمتني عن صفاتها و من الصفات اللى بموت فيها عندها
حسستني من طريقتها بجمالها و لا يعيني بشكلها
وانا اموت فى البنت لما تكون واثقة من نفسها ..
تليفوني رن
تررن تررن
بصراحة بقيت مش على بعضي
وصحابي خدوني ورحت لها
لقيتها شبه واحد صحبي
وياريتني ما جيت ولا قلتلها
ودي آخرة اللى يقلد صوووت واحدة فى التليفون
تليفوني رن
تررن تررن
->
...|~,
صـدق دوام الحآل من المحــآل ..
من زمن جاهلي مافيه حتى أقـلام يكتبون عليها
أجل اذا ابي اكلم احد أجلس انحت على صخر ..
->
إلى زمن الحـين ( جوال , مسن , تلفون , الخ
الحمدلله إني منيب من العصر الجاهلي بس .
حنآ بهالزمن وعلى هالتطورات قليلين دبره
أجل لو ذآك الزمن وش بنسوي ..
->لاعآد تتكلمين !!
نجي للجد ->الجد ولاالجده ها ها ها
لحـظه قبل لاأدخـل بالجد الحقيقي بقولكم عن فـرق
بين اول والحين ..
الأول الجوال ماتحمله إلا فئه نادره من النآس
يعني إستحآآآآآآآآآآآآآآآآآله تلقى بزر عنده جوال
او حتى بنت في متوسط عندها جوآل ..
اصلاً كان الجوال مثل الشي الشبهه عند البنت خخخخ
وفيه ناس يقولون ماعندنا بنات يحملون جوال ..->عايشين اللي كذا
والحين لاجنين في بطن امه ولابزر ولاعجوز ولاشايب ولاهندي
يشتغل بالسعوديه إلا وعندهم جوال ..
حتى الشغاله اول ماتجي تطآلب بجوال ..
:
وقسم فله هالجوال .. 
صرنا نناظر البيجر بطرف عين
صدق زمن ..
بس على فكره اللي يتكبرون عالبيجر تراها ماانتهت موضته
بالمستشفيــآت ..
تراه اوب مودوعي ابد 
->هاه اجل 
بتكلم عن مواقف التلفون الثابت قبل الكاشف وعقبها الجوال ..
هالشي الكل يدري إنه سلاح ذو حدين ->معلومه قديمه
بس ماعلينا ذوحدين ولامليون موب شغلنا
المهم حنا نستخدمه صح ..->آوت
بس الأحلى والأحلى المواقف اللي تصير عبر هالإختراع ..
صدق للأسـف ناس تستخدمه للإبتزاز ! او التخويف وتهديد
واشياء مالها دآعي ..
بس قلعتهم بيروحون النار ..->
بس شفتو نآس مثلنا نستخدمه بالأمر بالمعروف او نفك ازمات
دوكم سوالفنا سلمكم الله .. قبل لايطلع شي اسمه ( كآشف )
يآآهو لعبنا وطربنا بخلق الله ..
->ضميري ذابحن الحين
بس اهم شي يكون الموضوع سر .. لأن لحد يومكم
محدن درا عنه ..
كانو يحسبونا كتله هدوء تمشي ع لأرض ومايجي مننا شي ..
بس لا خلاص الحمدلله الله تاب علينا وعقلنا .. ->إخلصي
...|~,
كنا انا والبنات ( بنات عمي وعمتي والخمه ذي ..)
ننام مع بعض في بيت جدي كل ويكند .. ->ليتنا ماكبرنا
وحنا سهرانين للفجر أذن الأذآن ..
قلنا ليه مانسوي خير ..
ليش مانكسب اجر من التلفون ..
خلنا نسوي اكشن ..
اخذنا تلفون وحنا نرجف خخخخـ
وتعوذنا من ابليس وخبطنا ارقام من عندنا ..
ردت حرمه النوم مقطع صوتها ..
حنآ : صــلااااه صلاااااه ..
صحي زوجك من النوم وصلو ..
->وش مدريكم زوجها ..
قالت الحرمه : مين ؟.. نوره ؟ ->خبلاااااه هالحرمه خخخ
قلت لها : لا فآعل خير ..
وطووط طوووط
شفتو كيف الأمر بالمعروف بس ..
وحنا جالسين كسبنا الأجر
...|~,
هذآ موقف ثاني بس اليييم ..
ضعفاء القلوب لايشوفوه
مره كنا نكلم خويتنا كالعاده في بيت جدي ->كل وحده ترفع سماعه من مكان خخخـ
وياحرام كان الجوع ماكلها وبما إننا نشميات وراعيات فزعاااه ..
قلنا لها ابشري الحين يوصلتس شي يحبه قلبتس ..
المسكينه حسبت بنرسل لها السواق جايب لها أكل من البيت
وكل شوي تدق هاه ماصار كلها خطوتين ولاوصـل
جوعانه وجوعانه .. ->اقلقتنا
قلنا لها احمدي ربتس بنجيب لتس لاتكثرين زن علينا لامانجيب شي ..
->ياهي بريئه هالخويه وطاحت بشرنا
طبعاً حنا دقينا على كنتاكي..
ونطلب ونطلب ونطلب ..
وخلينا الطلب بإسم ابوها ووصفنا لهم بيتهم .. 
عقبها بكل إجرام نتصل للبنت وحنا فاطسين ضحك ..
وقلنا لها جهزي 79 بس طلبنا لتس من كنتاكي ..
والمبلغ ماكان هذآ كان نكبه كبيره ..
تصدقون خفنا نسأله كم الحسآب عشان لايأنبنا ضميرنا ونهون ..
يكفي طالبين 3 سطل خخخـ
بس الحمدلله عدت على خير ..
بس ابوها تقول ماعصب ابد ..
تقول اعطاهم محاظره عن القسط والإعتدال ..
والمخيسه اعترفت له ..
ووقآل لنا لو كررناها بيكون حسابنا عند اهلنا ..
بس بالله ماأطعمنا جائع مافكينا ازمه .. ->لايكثر
بس عقبها طلع الكآشف وتبنا ..
...|~,
موقف عالمآشي ..
خويتنا خالتها اسمها امل ..
تعلمنا اتصل واحد على بيت جدها ورفعت السماعه
جدتها .. وقال لها فيه امل نتعرف ؟
راحت الجده نادت بنتها امل وقالت واحد يبيك خخخخخخخخخخخ
اللي يتلعبون عالتلفون انواع :
يايجيكم واحد فآصل , حقير , فاضي , ذوق ( حاله نادره جداً )
:
...|~,
مره من المرات خالتي دقت على مدري من بالجوال وكان الرقم غلط
قالت له : سوري غلطانين بالنمره ..->الحين انتي الغلطانه حنا وش دخلنا ..
قام اتصل مره ثانيه وثالثه ورابعه وقام يرن يرن ويرنرن ..
خالتي فورت ونط لها عرق .!
ردت عليه : ياخي خلااااص قلنا لك غلطاااانين ماتفهم ..
المسكين خآف وسكر السماعه خخخخخ
وارسل لها مسج ..يقول :
[ يالله صبآح خير شكلك نفسيه إنتي من الصبح ]
الأخ مضيع وش صبح تراها ظهر كانت ..
...|~,
مره بعد كنا جالسين وعندنا قاعده ان أي رقم غريب مانرد عليه
بس نرفع ونسكت ..
اذا طلع ولد قفلنا بوجهه احد نعرفه نرد عليه ..
الحين خويتنا دق جوالها وكان رقم غريب
رفعت وانطمت ..
سمعت صوت بزر ياحليله يقول : آلو ..
ردت عليه ..
قال لها هذآ جوال فلان ..
( فلان ) ->كان اسم ابو خويتنا
قالت له : تبي فلان إيش ..؟
قآل : ممكن نتعرف ..
ههههههههههههههههههه
تدرون وش المشكله من كلامه وصوت ضحك اللي معه
تحسون شله بزارين بسادس ابتدائي مجتمعين مع بعض
وعندهم جوال جديد ..<
->كما تدين تدان
...|~,
ونفس الشي وحده من قريباتي دق عليها
رقم غريب بس هالمره ردت ..
إلا تقول ماخلا ولابقى طاح فيها سب ..
( إنزلي بسرعه , صآر لي ساعه واقف انتظر يآ ** يابنت ** الخ
تقول خفت وسكرت السماعه ..
وقام يرن ويدق وقفلت جوالها ..
إلا بعد مافتحت الجوال وصلها مسج ..
[ أختي أنا آسف , بس كنت غلطان بالرقم ]
ياهووو ذوووووووق ..
->ذوق وقبل شوي طايح سب 
...|~,
وهم بعـد الجوال يمكن يطيح الواحد بمشكله وهو مايقصد..
مثلا اخوي كان داق على خويه ..
من جوال ثاني يعني الرقم موب مخزن عنده ..
دق محد رد عليه ..
قام يدق انرفعت السماعه وقال الو
اغلق بوجهه ..
قام يدق ويدق ..
لين مارفعها له رجال وغسل شراع اخوي ..
ماتخاف ربك .. وقسم لأجيبك بالشرطه ..
->تجيبه عشان اخوي يذبك بالسجن مو انت
وهاك شد بينه وبين اخوي ..
هذاك يخانق واخوي يخانق ..
لين مااخوي فهمه السالفه وصآر الوضع حبي بينهم ..
وهذاك اعتذر لأخوي ..
...|~,
او يشوف مشاكل النآس وهو مايعرفهم اصلا
مثل وحده جداويه او شي كذآ ...
دقت علي وانا مدري وش صآير
: فلووووووووسي فين , الحرامي النصآب هرب وسآب العيال واخذ الفلوس
وكل حاجه..
عمارتي اللي بإسمه خلوه يرجعها لامدري وش اسوي
هاليمني الحافي المنتف ..الخ
->دمعت عيني من قضيتها
ورميت الجوال على ابوي حق يتفاهم معها ..
يآهي شكلها محروقه من قلب ..
...|~,
او بنت دق عليها رقم بس قآلت الو ..
غلق السماعه وقام يرسل مسجات حب وغرآم ..
ويدق ليل نهآر ..
يوم شاف مانفع معها
قام وارسل صورته وسائط لعل وعسا تخق معه ...
يافراغهم ..
...|~,
صدق إخترع صغنن بس يجي منه كثييير ..
مقالب , مواقف , ذكريآت , هبآل ,
ياكثر ماادق على اخواني واسوي فيها وحده ابي
اتعرف ->حتى ابوي ماسلم خخخـ
ومره اكلنا عمي مقلب كان بينجلط
اخذنا جواله وغيرنا اسمي الى الجوال –> بالإنجلش
وارسلنا له رساله نصاً مثل مايرسلون فيها رقم الحساب
ونفس الكلام بالظبط ..
عزيزي العميل ..الخ
تم إصدآر فاتورتك بمبـلغ 9973.20 ->عشانه يحب سآمي ويآسر
مسكين كان منسدح عالكنبه واخذنا له الجوال وقلنا له جاك مسج ..
من الروعه نقز من على الكنبه ..
الله ستر ماأنهبل علينا ..
وبنت عمتي بكل برود تقول له
علينا إعترف من تكلم وهو منصدم ويناظر الجوال ..
بس صرخ فينا صرخه جمدتنا اجل يقول
إعترفوووو وش مسوين في جوالي ومن مكلمين ..->يماااااه
يوم شفناه قريب ينجلط إعترفنا ..<
...|~,
المسآحه لكم تقولون مواقفكم ,مقالبكم,مقالب اكلتوها
اشياء صآرت لكم من التلفون قبل لاينزل الكآشف او الجوال...
مخرج
يامرحبا يامغلط في تلفوني مسموح مسموح والغلطات عفوية
صفرين تسعه وستة سته ثموني الرقم هذا فتح خط السعودية