صح إني ما أتواجد في المجلس كثير, بس صعب تجي سيرة الهلال وما أتواجد (شوفوا بس كيف سحب على كل فقرات الموضوع) حب الهلال شي غريب في حياتي, برغم ان كل عائلتي هلالية بنسبة 98% بما فيها عائلة أخوالي إلا أني كنت بأطلع عاق وماأشجع الهلال بسبب عباطتي وسوء حظي والحمدلله اللي سخر لي إنسان اسمه يوسف الثنيان صحاني من السكرة وخلاني أختار تشجيع الهلال بمزاجي من شدة إعجابي فيه برغم فشل أولاد عمي في إقناعي بتشجيع الهلال وفشل أكبر أعمامي اللي أتذكره كان يوزع حلويات على كل أطفال العايلة باستثنائي أنا وواحد من أعمامي اللي ماكنا هلاليين, (مثال صارخ للسطوة الهلالية) من كلامي السابق أكيد وضح أن أسرتنا مثال للأسرة الهلالية فالكل هلالي عدا استثناءات نادرة جدا جدا وكل من لايشجعون الهلال هم من غير محبي الكرة (الوالد الله يحفظه واحد منهم) ولكنهم يتعاطفون مع الهلال عشان لاتنقلب ليالي البيت سواد× سواد أقتباسلكن هل سيستمر مشهد العائله الهلاليه ؟ بكل تأكيد المشهد مستمر, تزوجت وجاني نواف والولد القادم بيكون سامي إن شاءالله نواف عمره ثلاث سنوات ومؤرخ لميلاده بتاريخ طرد زيدان في نهائي كأس العالم (إنولد بعد النهائي بيومين) مين اللي قال نحس؟؟ وحضر معاي مرة مباراة للهلال ولليوم يسولف عنها مسألة الحضور في الملعب والتجهيز للمباريات مسألة مفروغ منها, اللي أفكر في اعتزاله خلال السنوات القادمة هو استقبال البعثة في المطار والسفر للرياض أو لمكة من أجل مباراة للهلال وحضور مباريات السلة والطائرة الهلال هذا حياة, خرافة نعيشها بواقعية في عز الحزن يصنع لنا هذا الهلال الفرح, صح إن الواحد بدأت تتلف أعصابه وقت المباريات لكن الهلال يستاهل ردي أغلبه أمور شخصية, والذنب ماهو ذنبي بل ذنب الهلال الذي سكن جوارحنا وشكل شخصياتنا واصبح هو الجزء الرئيسي فيها شكرا ياهاجر وبصراحة جبتيها بمسألة ان لعيبة الفريق صاروا أصغر منا إيييييييييييييييييييه يالله حسن الخاتمة. شيبنا