بسم الله الرحمن الرحيم يافتاح ياعليم يارزاق ياكريم هذاني قايمه من صباح الله خير وابكتب لكم سالفه حقيقيه وابن ابوه اللي يلطشه لمنتدى ثاني ترى يوم القيامه ابطب في بطنه ((عاد من زين هالقصة زين ان ماحذفوها)) المهم القصه هذي حاصلة لي مع امي ياامي يانور العين\\بدا الحشيش! قبل حوالي 4 سنين يوم اني كنت بثاني متمصط\\متوسط المهم كنا في بداية العطلة الصيفيه وكانت امتي حبيبتي تجهز وتولم وتجمع خلقاننا وقشاننا عشان بنسافر برا طبعا\\بدا الفقش المهم ان امي صافه خمس او ست شناط بالصاله حقةالدور الفوقي والشناط مفتوحه وفيها خلاقين المهم كانت الشابه الرشيقه ذات العينان الزرقاوين اللي هي انا ترقى مع الدرج وتناقز وتغني وتقول:: على هونه على هونه بدت تمشي والخطوة موزونه على هونه بدت تمشي والزين بعيونه وخذ من هالتأليف ومرة تقول::يالابس الثوب المنقط درررن مثل ياحلو مابوه نقطه!! ومرة تقول :: اتمخطري ياحلوة ياقميله :::::::::::::::::::::::::::وخذ من هالمنوعات وفجأة شد انتباهي كائن حي او مخلوق فضائي المهم انه شي غريب ينزل مع درجة السطح الى الصالة اللي فيها امي انا مدري هو انسان والاحيوان والا نبات والا جماد والا بلاد\\\تعرف تنكت هي ووجهه! بس شكله زي التمساح وونفس لون التمساح ولا هوب تمساح بس لالالالالا الظاهر انه بعرصي لاعب فيه الشراب!! لانه كبير اكبر من رجلي ولونه رصاصي على اخظر وععععع ودبي مرررة ثقيــــــــــــــــل يالله يمشي حتى اني مستغربه وشلون هذا يمشي على الجدار وماطاح الى هالحين وبعدين احس انه شايب شكله يضيق الصدر قلت لالالا انا لازم احط حد لمأساته وانهي حياته وفجأة دخل الصاله وصار على السقف بالظبط فوق شنطة امي وانا اللي اغتنم فرصة ان امي راحت تجيب خلق لاحد الشله\\اللي هم اخواني وانا اللي اقيس المسافه بين يدي والنعله والجدار والبعرصي واضرب الناتج باثنين!!\\ليش ماادري المهم وانا اللي اتذكر سامي بالرمية الملتهبه يقول :: خــــــــــــــــــــــــذ ايها الوغــــــــــــــــــــــــد واطيير النعله له وهي اللي مزقته اربا اربا اثره الضعيف مايبيش مستعد للموت وهو اللي تلخه النعله بس ياحظي وين طاااح!!!!!!! تخيلوا! سقط صريعا بشنطة امي!!!!!!!!! وانا اللي اطلق عصاقيلي للرياح واهج للحوش وشفتاي تهمس بحنين خافت يقول:: سامحيني ياامي فانا لم اقصد اييذائك سامحيني يالغاليه حقك علي يمه انا مستعده اسوي لك اللي تبين لو تبين امسح جدران بيتنا اللي برا مسحتهن بس لاتخليني اشيل البعرصي من الشنطه يــــــــــــــارب ان امي ماتشوف البعرصي اللي بشنطته ونعيش بسلام وامان يارب احفظني منها يارب المهم انه كان كل خوفي انها تشوفه وبعدين ياليته بتخليني اشيله وبس انا حاسبه حساب كم بلاطه بالبيت بتمسح خشتي فيها لا وبعد وبتصير سالفتي على كل لسان قلت لالالالا انا ماني بنت عاقه بس انا اخاف على نفسي المهم وستر الله وسافرنا للرياض(طلع الصدق) وجينا وربك ستر انا ماادري هي شافته هناك والا لا بس المهم انه ماجاني شي بس اللي قاهرني وماخلاني انسى السالفه انه ضميري يؤنبني الى هالحين احس اني عاقه احس اني اوذيت امي بس انا مااسويت كذا الا حفظا لنفسي من الهلاك؟؟والا؟>> المهم ان السالفه هذي محد يدري عنها الى هالحين وانتم خلكم لامن شاف ولا من دري ترى هذا سر بيني وبين نفسي افصحت عنه الحين عشانكم بس وبس انتهت السالفه وحملت وكملت وباصيبع الصغير دملت ياويل اللي يقول بايخه واللي يعرفوني ياويلهم يعلمون امي